Nahum 2:13 - Udél Dwata: Gna Kesfasad ne Lomi Kesfasad

¹³ Yó udél yóm Dwata laen dù là gbeken du ebè Ninibi, monen, “Ou se deng hnohonem. Angat gotu ntemu yó kem klitun tók gel nit ye bè gida ne yó kem sendaluem angat le gotu matay bè sudeng. Laen dù bud negef ye ne bè dumu benwu. Laen dù bud benwu mungol du ne udél yó kem tau tehe gel dók ye ebélê le.”

Nahum 2:13 Referans Kwoze

Nahum 3:5

Yó udélen ebéléen yóm Dwata laen dù là gbeken du, monen, “Tey sidek khohonu kóm, Ninibi. Angat tódô hdau uu là lemwék ne angat tey sidek kyakem bè yóm angat kton le lówóhem yó kem dumu benwu.

Kem Lingón 46:9

Tenfloken yó kem tau sgida bè klamangen benwu. Gotu tenfoken yó kem boho le, ne hensideken yó kem buyus le. Gotu nlóben yó kem klung le.

2 Bok Kem Tau Hol Geta 19:23

Deng hennéem ou hlanem bè yó kem tau hógówem. Yó deng monem, “Lemwót bè yóm tey kwen klitun tóku, botong gutahu ta tfusù yó kem bulul, efete kól bè hol gónón sóól yóm dlag Libanun. Deng hofoku yó kem koyu sidar alì tahà bè yó, dalang se yóm koyu siprus alì megélék. Denge mdà ditu hol lemen, ne denge kól bè yóm gónón alì mfól dlagen.

Nahum 3:1

Hatayen kun yóm syudad Ninibi. Gónó le menwu yó kem tau hono litô lemekes lem hólól le, hono kéng yóm btang bè sumóng le, benwu tódô hnok lemen kimu deng negef ne bud wen angat muku du bélê le snéen yó kem kimu yó.

2 Bok Kem Tau Hol Geta 19:9

Là kóen legen bè yó, wen tmulón du ke Sinakirib yóm móyón kegdek Tirhaka yóm tau hol geta bè Ityupya, anì nan e mit sgida béléen. Gu laan Sinakirib là deng lemwót mit sgida bè yóm tau hol geta yó, bud wen kem tau dóken ebè Hisikaya. Wen sulat hwiten kul, monen,

Nahum 3:12

Angat gotu genbà le kdê yó kem gónóhem gel heklung. Hol lómón klahil keglà le kóm lómón ke kningò le yó kem koyu fig deng mélél bunguhen, gotu le btang elem bak yóm tau kmingò du.

2 Tutul Israél 32:19

Yóm kudél le eta yóm Dwata yó kem tau bè Jirusalim yó kem genlal yó, hol lómón ke skél bè kul dwata yó kem dumu tau talak tonok yóm dwata nmò tdok tau.

2 Bok Kem Tau Hol Geta 18:19

Yó udélen ebélê le yóm sotu kmandér bè yó kem sendalù Asirya, monen, “Ni mò tulón ye ke Hisikaya yóm udél hwit yóm tau hol geta bè Asirya ebéléen, monen, Tedu se snaligem mò gónóm là likò do?

2 Bok Kem Tau Hol Geta 18:17

Lemwót yóm tau hol geta bè Asirya, wen tlu kmandér hógówen etu bè Jirusalim, mung kul yó kem tey sendalù wen le anì na le e nundug Hisikaya bè Jirusalim. Bè yóm kkól le ditu bè Jirusalim, tódô tenfeng le yóm lan gónó le gel hbukay nes yó kem tau gel mò nes bè kilil yóm kanal él lemwót bè yóm él senbusung le tofi ta.

Nahum 2:12

Yó nmò yóm liyun logi, gotu nséken yó kem kenfóen mò hkenen yóm liyun libun ne yó kem ngaen. Yóm gónó le nô, tódô hnok yóm deng nséken. Nô se yóm benwu yó nim kmoen ni?

Nahum 3:15

Okóm là dengen sóól he yóm nmoem yó deng sana kenen uu ofi, duhen ke matayi bè sudeng. Angat hnatay le u yó kem hohonem. Yóm kmò le kuy, hol le skél bè kem tlangas, gotu hensidek le nô kihu ton le. Laen dù gmoem se kóm baluen ke lómón kwen ye tlangas.