Nahum 2:11 - Udél Dwata: Gna Kesfasad ne Lomi Kesfasad

¹¹ Nô se benwu Ninibi du nim kmoen ni? Yóm benwu yó hol lómón ke tehe gónó le nô yó kem liyun, gónó le hemken yó kem ngà le, gónón gel mulék yóm liyun logi ne liyun libun, gónó le gel nô yó kem ngà le gónón laen dù hemen le.

Nahum 2:11 Referans Kwoze

Jirimaya 2:15

Hol lómó kmò le ebélê le yó kem hohon le yó hol lómón ke mngel yó kem liyun. Yóm kul benwu yó kem tau Israél, deng mom nmò yó kem hohon le benwu là hyu menwu du. Deng tódô gbà yó kem syudad tehe gónó le nô, ne deng hol tahu gbayà.

Sifanaya 3:3

Yó kem genlal le, lómón kmò le yó kem liyun mngel mebel mò nsék le. Ne yó kem gel kmukum bélê le, lómón kmò le yó kem ógóf lóbô lem bnes alì sidek kbitilen ke deng kimel, yóm nséken balù udì ke wen tebelen du kól hlafus.

Nahum 3:1

Hatayen kun yóm syudad Ninibi. Gónó le menwu yó kem tau hono litô lemekes lem hólól le, hono kéng yóm btang bè sumóng le, benwu tódô hnok lemen kimu deng negef ne bud wen angat muku du bélê le snéen yó kem kimu yó.

Isaya 31:4

Yó udél Dwata ebéléu, monen, “Ke wen tau mentey ubiha, balù nô kehtéen du yóm liyun wen ubiha kenfóen, là kô nan e gbek tmebel du yóm deng kenfóen yó. Senged se béléu, yóm Dwata laen kô dù là gbeken du laen kô gembek hemseng dou bè yóm kofinu yóm bulul Sayun.

Tekang Kbuten 49:9

Lómón ke uu yóm sotu liyun lomi lemnok deng hnatayen yóm kenfóen, ominen bud mulék bè yóm gónón gel nô. Bentolen kwangen ominen hlilil, balù sotu ke wen mlos hmala du.

Lista 23:24

Yó kem tau Israél, hol lómón ke yóm liyun alì lóbô. Là kóen tagad hegnô ke là nan wen kenfóen ne gotu nséken ne nimuhen litóen.”

Mika 5:6

Angat knamal le yóm benwu Asirya yóm tehe kun benwu Nimrod, mlan bè sudeng le. Ne lenwà le tekuy lem tdok yó kem tau Asirya ke sok bud tô nwa le yóm benwu tekuy.

Nahum 2:12

Yó nmò yóm liyun logi, gotu nséken yó kem kenfóen mò hkenen yóm liyun libun ne yó kem ngaen. Yóm gónó le nô, tódô hnok yóm deng nséken. Nô se yóm benwu yó nim kmoen ni?

Juwél 2:6

Bè yóm ksut le gotu le likò yóm kdéen tau, botong le lemusék.