Nahum 2:10 - Udél Dwata: Gna Kesfasad ne Lomi Kesfasad

¹⁰ Deng gotu gbà ne yóm benwu Ninibi ne tódô gbayà ne laen dù bud tonem lemen. Lemwót bè yóm alì klikò le, tey sidek kotuk kfu le. Tódô setbol kkel kem bukol le. Tódô gotu lana kgis le ne gotu le lemusék.

Nahum 2:10 Referans Kwoze

Kem Lingón 22:14

Laen kô dù bud gelu ne, tódô lana, hol lómón ke él mkok bè tonok, tódô mneb. Yó kem tiolu, gotu slius. Hol lómón kegnómu du lem but blututu, lómón knò tolu.

Juwél 2:6

Bè yóm ksut le gotu le likò yóm kdéen tau, botong le lemusék.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Jirimaya 30:6

Okóm wen snólóku bélê ye. Wen kô logi mngà? Moen se ke tey dê tonu kem logi hfiles nogot le blutut le lómón ke libun kmuleng blututen?

Sifanaya 3:6

Yó udél Dwata, monen, “Deng gotu genlau yó kem dumu benwu hmilol. Gotu genbau yó kem syudad le dalang se yóm beng hmilol le, gomong yóm gónó le gel heklung deng gotu genbau. Balù sotu ke wen bud lemolò du yó kem lan le, laen kô dù bud tauhen yó kem syudad le, balù sotu ke wen dù tebel.

Nahum 3:7

Kdéen tau mton kóm, botong le hegsud, mon le, ‘Tey sidek kegbaen yóm Ninibi, laen dù tau kmamà du, ne laen se kô dù hemyu nawahen.’ ”

Isaya 14:23

Henbalingu benwu hono hitok yóm benwu Babilun. Són kol angat nô bè yó. Lómón ke nkélu yóm benwu yó ne laen dù tagak du. Ou se Dwata mon du yóm ni yóm Dwata laen dù là gbeken du.”

Juswa 2:11

Yóm uni me mungol du ni kem ni ya tey klikò me, botong lana bélê me klóbô me. Yóm Dwata kuy gónó mogot, du se hol dandónen geta bè longit ne dini talak tonok.

Tekang Kbuten 1:2

Yóm tonok, là kóen mtukul kmoen ne laen se dù bang tonem tahen lemwót bè yóm tey él nelem lemimun du, lel yóm tey kifu mget bè klamangen. Lemwót yóm Tulus Dwata tendo heklowong gu tahen.

Juswa 7:5

Gotu ktes kem tau Ay lu. Ktes le lu lenwóten bè bak tikeb yóm syudad yó efet kól ditu bè yóm gónó le gel kemleng botu lembang. Bè yóm klóy le mosol yó kem tau Israél, wen dô tlu folò nem hnatay yó kem tau Ay bélê le. Lemwót bè yóm là kegmò le, gotu le lenmek yó kem tau Israél ne ya tey sidek klikò le.

Jirimaya 8:21

Bud mon Jirimaya, “Nkiku yóm gfà yó kem tauhu. Tódóe teneng là kóe gudél, botonge yem bè yóm klangagu.

Nahum 2:2

Abay se yóm benwu Israél, deng tódô gotu gbà lemwót bè yóm gel kgidahem du, okóm angat bud hulék Dwata ebéléen yóm kun tehe keklóón ne yóm kun kfasang.