Nahum 1:5 - Udél Dwata: Gna Kesfasad ne Lomi Kesfasad

⁵ Botong megsinsig yó kem bulul bè soluhen ne gotu le mnà yó kem bulul lemnek. Dalang se yóm klamang benwu gotu leminol ne gotu le matay yó kem tauhen.

Nahum 1:5 Referans Kwoze

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

2 Samwél 22:8

Lemwót bè yóm kebut Dwata yó kem hohonu, tódô megsinsig tonok, ne megsinsig tud blóngón longit.

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Kem Lingón 68:8

botong megsinsig tonok, lelen tey kulón bong tukô gna kóm, yóm Dwata bè Sinay yóm Dwata yó kem tau Israél.

Kmukum 5:5

Gotu megsinsig yó kem bulul bè yóm kkól Dwata. Balù Bulul Sinay, botong megsinsig se kun bè yóm kkól Dwata, yóm sana kut Dwata hol gónó mogot, yóm Dwata yó kem tau Israél.

Kem Lingón 114:6

Moen de, kem bulul, ke hkak ye lómón kem ubiha logi? Moen de kuy du, kem bulul lemnek, ke hkak ye lómón kem ngà ubiha?

Kem Lingón 114:4

Yó kem bulul, gotu le hkak lómón ke hkak yó kem ubiha logi, dalang se yó kem bulul lemnek, gotu le hkak lómón ke hkak kem ngà ubiha.

Kem Lingón 98:7

Hol hligal se kun yóm mohin ne yóm kdê nô lemen. Hol hligal se kun yóm klamangen benwu dalang se yóm kdê nô lemen.

Kem Lingón 46:6

Okóm yó kem tau bè dumu benwu, tey sidek klikò le bè yóm kehsinsig Dwata yóm klamangen benwu. Heték Dwata, ne tódô kmanas yóm tonok.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Matyu 28:2

Timbow le kól ditu, tódô mbel tey linol bong. Ne wen hógów Dwata htuntun gu bè longit sut bè yó, tódô hluyen yóm botu seng bè bak lebeng, ne tódô bud myón tahen.

Matyu 27:51

Uma kóm bè yóm Gónô Dwata, wen tey nes mfól mò seng yóm dfél hetfing le ebè Dwata. Bè yóm kilot nawa Jisas, tódô sen-gengen lómón ke hninggel dnólóhem bè gónón sóól yóm nes yó, lemwót fi ta kól elaan. Ne tódô sen-gengen se mbel tey linol bong, tódô gotu meskang se yó kem botu lembang.

Deng Hegfan 6:14

Ne tódô lana yóm longit, hol lómón yóm sulat lenulun. Ne tódô le gotu lana bè sana kul gónó gel nô yó kem bulul ne yó kem hungul te mohin, là kô bud tonem kul ne.

Kem Lingón 18:7

Lemwót bè yóm alì kebut Dwata yó kem hohonu, tódô leminol, ne megsinsig tonok, botong kmingò yó kem but bulul lemwót bè yóm alì kebut Dwata.

Juwél 2:10

Bè yóm kógów le, tódô megsinsig tonok ne mningkil longit. Tódô baling kmifu yóm kdaw ne bulón ne là kô le bud mnóng yó kem blotik.

Sikaraya 4:7

Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Kem Lingón 18:8

Hol lómón ke wen kebel semfut gu lem ilungen, ne lómón ke wen ofi msut gu lem baken, mung du bala ofi kemyóngón.

Kem Lingón 104:32

Balù tek olon hménég du he yóm tonok, tódô megsinsig. Ke nduen yóm bulul, tódô semfut kebelen.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Amus 9:5

Yóm Dwata laen dù là gbeken du, baluen ke olon temdól yóm tonok, tódô mnà ne gotu le langag kdê yó kem tau nô tahen. Lemwót bè yóm linol, tódô lemnok eta yóm klamangen tonok lómón Él Nayl bè Idyip ke bangen dmunuk, ne tódô bud mnà elaan.