Nahum 1:4 - Udél Dwata: Gna Kesfasad ne Lomi Kesfasad

⁴ Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Nahum 1:4 Referans Kwoze

Isaya 33:9

Yóm klamang tonok tehe gónó le mò nmò, laen dù bud tonem hulu tahen. Yó kem tey dlag bè Libanun deng le gotu menes. Yóm tey datal tilob mò du hulu bè Syaron, deng baling benwu là hyu menwu du. Ne yó kem dlag bè Basan ne bè bulul Karmél, gotu tbó doun le lemwót bè kenes le.

Kem Lingón 106:9

Dóken mesgólól yóm Mohin Hulô. Tahu se, tódô gfan yóm tonok mékéng. Nalaken yó kem tau Israél mlan etlem sokol mohin, bè gónón mékeng tonok, hol lómón kékéng yóm tonok bè yóm benwu laen hol wen tauhen.

Isaya 44:27

Ngem yó dém mohin bong, olo lemwót bè udélu gónón kti.

Kem Lingón 114:5

Moen de, Mohin Hulô, ke hetlasiki mdó bè lan le? Moen de kóm du, Él Jurdan, ke teflok yóm klelem?

Kem Lingón 114:3

Tikóng ton Mohin Hulô lu, tódô hetlasik mdó bè lan le yóm mohin yó. Dalang se yóm Él Jurdan, tódô teflok yóm tbulen.

Kem Lingón 104:7

Bè yóm tehe kestólóngem yó kem él, lómón ke lemték yóm udélem mdók kul. Ne tahu se, lómón mkal silà yóm kendel kimón le kóm.

Kem Lingón 74:15

Uu se hesfut él ne hlel yó kem él mlel, ne bud uu se hekti yóm él mlel tehe là ktihen.

Matyu 8:26

Bnalà Jisas se lu, monen, “Mò ye kat alì likò ni du? Tey udì yóm kehtahu ye.” Ominen yó tódô hboluk btik, ne mudél ebè yóm lenos ne yóm tey lewók, monen, “Botongen ne.” Ne tahu se, tódô sen-gengen se menek gu talak lanaw.

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Job 38:11

Yó tehe udélu ebè yóm mohin yó, monu, ‘Olon bè ni ne gónóm són. Olon bè ni gónón són yóm tey lewókem.’

Tekang Kbuten 8:1

Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

2 Samwél 22:16

Lemwót bè kudél Dwata, hesuten yóm tey kebuten, botong gfan sokol mohin, dalang se tud blóngón tonok.

Isaya 42:15

Angat gotu genbau yó kem bulul lemnek kkólen bè yó kem bulul geta ne gotu hlenesu yó kem bnesen ne koyuhen. Yó kem benwu tehe wen él mlel du, angat henbalingu lu benwu là hyu menwu du ne gotu hektihu yó kem él tehe bnusungu.

Kem Lingón 18:16

Sigelen se mogot dou lemwót gu ta, ne nkayen ou gu lem yóm tey él nelem.