Nahum 1:3 - Udél Dwata: Gna Kesfasad ne Lomi Kesfasad

³ Là kóen mahil lembut yóm Dwata, okóm tey kfasangen. Là gbeken du ke là tnafaken kul yó kem tau wen salaen. Yó gónón hegfan du yóm kfasangen bè yóm tey klifus ne bè yóm tey lenos bong. Yó kem lobun, olo kfung lemwót bè laan tihen.

Nahum 1:3 Referans Kwoze

Kem Lingón 147:5

Tey kegetahen yóm Dwata tekuy. Ya tey kfasangen, laen dù gemsenged du. Yóm ketngónen yóm kdéen, là gbekem hmingón du.

Nihimaya 9:17

Là móyô le hmungol, gotu klifót le yó kem dê hentaw ton deng tehe nmoem lem blóng le. Deng kenbê le uu, deng le mom mélék tau mò malak kul mulék ghesek bè Idyip. Okóm uu se yóm Dwata hulung hmifót, tey minggel nawam ne tey bong nawam yó kem tauhem, là kói mahil lembut. Tey kkoduhem kul yó kem tauhem, là kô nam e tódô bayà kul.

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Kem Lingón 104:3

Ne deng hdaem gónóem ta yóm él tofi ta longit. Yó muhem yóm lobun mò klitun gónóm myón, ne lenos fen demyol du.

Kem Lingón 103:8

Tey kmodu yóm Dwata, ne tey bong nawahen tau. Là kóen mahil lembut, ne là monolen yóm kbong nawahen tekuy.

Sulat Jim 1:19

Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.

Sikaraya 9:14

Dwata se angat hegfan ta yó kem tauhen. Yóm kegtien yó kem hanaken, hol lómón kal ksilà. Angat huni yóm Dwata hol dandónen geta yóm féwen mò tabahen yó kem tauhen. Ominen mundug yó kem hohonen hol lómón ke lenos bong mbel gu leged gu bè yóm benwu là hyu menwu du.

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Matyu 26:64

Bnalà Jisas se, monen, “Yó sii deng monem. Okóm wen tulónu kuy, angat ton ye yóm Ngà Tau myón fi bè kwanan Dwata, yóm laen dù là gbeken du, ne angat ton ye se yóm kesfuléken edini mung bè lobun.”

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Kem Lingón 62:11

Tey mtukul kmon Dwata du, ne deng tey dê duléku mungol du, Dwata se funen yóm kfasang.

Job 38:1

Duhen yó, lemwót Dwata tódô mudél ebè Job gu lem yóm tey lenos bong, monen,

Juwél 2:13

Hol hton ye yóm klangag ye, bede béen mlan bè keksê ye nes ye. Yake bè kebà nawa ye gónó ye hton du.” Bud ye semfulék ebè yóm sana kuy Dwata hol gónó mogot abay se wen nawahen tmóbóng kuy ne tey hulung kmodu. Là kóen mahil lembut ne tey bong nawahen tau. Móyô hmifót, abay se là nóen bè nawahen ke tô tnafaken tekuy.

Kem Lingón 50:3

Mógów edini yóm Dwata tekuy, ne là kóen tódô yem. Wen tey ofi eles tukô gna du, gotu kenen kdéen, ne mbel gu hilolen yóm tey lenos bong.

2 Samwél 22:10

Hennasen longit, ominen mnaul elaan. Ne tey kifu mget gónón mdà.