Nahum 1:2 - Udél Dwata: Gna Kesfasad ne Lomi Kesfasad

² Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Nahum 1:2 Referans Kwoze

Sikaraya 8:2

“Ni se udél yóm Dwata laen dù là gbeken du. Tey alì kbong nawahu du yóm Bulul Sayun, là gbeku du ke là tnóbóngu yó kem tauhen. Lemwót bè yóm kbong nawahu kul, tey kutó nawahu yó kem hohon le.

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Kem Lingón 94:1

Ó Dwata, uu yóm Dwata fen gel meles. Hol hegfanem yóm ktedengem, Dwata yóm Dwata fen gel meles.

Kehewà 34:14

Béen abay wen bélê ye tmaba ebè yó kem kul dwata abay se tey sidek kélés nawahu du ke wen dwata lennged gónó ye tmaba.

Juswa 24:19

Yó bud udél Juswa ebè yó kem tau, monen, “Ngunte nim yu ke gbek ye lemolò ke Dwata. Tódô tngón ye se, du se yóm Dwata laen dù belenen ne tey sidek kélés nawahen du ke wen dumu dwata tnaba ye. Ne ke kenbê ye, là kô nan e hnifót kuy.

Hibru 10:30

Yakà deng tngón tekuy du se yóm Dwata tehe mon du, “Ou se yóm fen gel meles. Ou se fen gel malà.” Ne bud monen, “Knukum yóm gónó tekuy mogot yó kem kun tau.”Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Isaya 42:13

Yóm Dwata, hol lómón yóm sendalù deng eles htigel, módód ebè gida. Ke ston bè kem hohonen, tódô hentéen lu ne mensag, hegfanen bélê le yóm tey kfasangen.

Dwata 4:24

abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

Sulat Pol Ebè Yó Kem Tau Hemtahu Bè Rom 12:19

Ó kem wè, hol bê ye abay meles. Tódô bayà ye bè Dwata, abay se deng monen bè Sulat Dwata, monen, “Ou he fen gel meles. Ne ou he fen gel malà.”

Mika 5:15

Koku eta yó kem benwu là mimón dou yóm sidek alì kebutu kul mò balau kul.”

Juwél 2:18

Ne yó bud hendem Dwata yóm tonoken ne yóm bud kkoduhen yó kem tauhen.

Jirimaya 4:4

Kó ye yóm sidek nô lem hendem ye ne yóm sidek nô lem but blutut ye. Ke là nmò ye du yóm yó, yóm kebutu kuy hol lómón ke mkal yóm tey dilóf ofi là gbek tau hmatay du, gotu kenen yu lemwót bè yó kem salà ye.” Là gomongen bè nili yóm bérs 5 kól bè bérs 31. Yó tulónen bè ni kem bérs ni yóm angat kgida yóm sotu benwu bong yóm benwu Israél. Nim benwu bong ni, tey mfasang ne mbegel kem tauhen, benwu nô fi bwak yóm benwu Israél. Bè yóm angat kgida le bè Israél, gotu genbà le yóm benwu le ne gotu negef le yó kem tauhen. Ya tey sidek kegnóm Jirimaya du yóm igoen tmulón du kul yóm angat gfà le yó lemwót bè yóm là kimón le ke Dwata. Là gomongen bè nili yóm tsaptér 5. Yó tulónen bè nim tsaptér ni yóm kdók Jirimaya yó kem tau anì mebel le bè klamang yóm syudad Jirusalim ke wen sotu tau ton le tau gulit ne teneb bè Dwata ne ndaen yóm ktahuhen. Mon Jirimaya ke wen sotu tau ton le, gbek Dwata hmifót salà yó kem tau lem syudad Jirusalim. Okóm balù sotu ke wen ton le. Yó gónóm mon, là gselem ke Dwata ke tnafaken yó kem tauhen. Yó angat nmò Dwata, wen tey gida bong hwiten elem benwu le mò gemlà kul lemwót bè yóm là kimón le.

Sulat Pol Ebè Yó Kem Tau Hemtahu Bè Rom 13:4

Abay se yó kem tau mit udin yó, lu se deng snigang Dwata, nmò le yóm kuy kehyu. Okóm ke mulé tekuy udin, wen klikò tekuy bélê le, abay se wen kwalis le tmafak. Lu se deng snigang Dwata mò tmafak yó kem tau mulé udin.

Sikaraya 1:14

Ominen mudél ebéléu yóm hógów Dwata gel stulón do, monen “Ni se udél yóm Dwata laen dù là gbeken du, monen, ‘Yóm kbong nawahu yóm syudad Jirusalim dalang se yóm Bulul Sayun, laen kô dù semnged du.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Isikél 36:6

Yó gónóm mon, tugodem do ebè yó kem bulul lemnek ne ebè yó kem bulul lembang ne ebè yó kem sbong ne ebè yó kem datal bè Israél. Tulónem kul yóm udél yóm sana Dwata hol dandónen geta, yó monen, Tey sidek kebutu yóm kehyak le kuy yó kem benwu gu hmilol ye.

Jirimaya 36:7

Ke deng gungol le yóm alì khééten yóm kebut Dwata kul, kaem knogol le yó kem sidek nmò le ne mni le seflifót bè Dwata.”

Dwata 7:10

Okóm là kô gbeken du ke là géhél tnafaken kul yó kem tau kmutó nawa du.

Kehewà 34:7

Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.”

Lista 25:11

“Lemwót bè yóm nmò Finihas, yó gónóhu là bud lembut kul ne yó kem tau Israél. Tey sidek kekbéen du se kun ke wen dumu dwata kéng hentahu yó kem tau. Lemwót bè yóm nmoen yó, yó gónóhu là hemsulék gemlà kul yó kem tau Israél mlan bè yóm tey sidek kebutu kul.