Nahum 1:14 - Udél Dwata: Gna Kesfasad ne Lomi Kesfasad

¹⁴ Yó bud udél yóm sana Dwata hol gónó mogot ebè yó kem tau Asirya nô bè Ninibi, monen, “Laen dù bud ngà ye ne mò bud mit yóm kuy boluy. Angat gotu genbau yó kem dwata kéng nô lem yóm gónô gónó ye gel tmaba ebélê le. Deng eles hokolu sol ye abay se hono sidek yóm gel nmò ye ne là kô hyu hlowil kuy.”

Nahum 1:14 Referans Kwoze

Kem Lingón 109:13

Hol le gotu matay he yó kem sfuhen anì laen dù bud tau hemtulón nawa kul.

Mika 5:13

Angat gotu genbau yó kem dwata lennged ye ne yó kem hehek botu deng hetfing ye mò gónó ye tmaba ebélê le. Là kô ye bud gtaba ebè yó kem dwata kéng nmò tdok ye.

Kem Udél Hlalak Tehe Selumun 10:7

Baluen ke deng matay yóm tau tedeng kmoen là kóen mkó kehtulón le du nawa kem tau, okóm yóm boluy yóm tau mò sidek tódô klifót le.

2 Bok Kem Tau Hol Geta 19:37

Sotu kdaw, yóm igò Sinakirib tolo tmaba dwata kéng bè gónô dwatahen boluyen Nisrok, tódô hnatay yó kem lewu ngaen logi Adramélék ne Sarisér, tnibó le sudeng, omin le mlóy etu bè Ararat. Ne yóm sotu ngà Sinakirib logi boluyen Isarhadon bud temles ke maen mò tau hol geta.

Isaya 33:13

Yu kem tau moni bè ni ne yu kem tau nô bè gónón mayuk, hol hnungol ye yóm deng nmou ni ne hol hendem ye yóm tey kfasangu.”

Kem Lingón 71:3

Hol lómón ke uu yóm botu bong tendo gónóhu e solu mò gónóhu heklung, mò gónóhu hofin. Géhéli mudél anì gewae, yakà són uu du yóm botu gónóhu heklung ne gónóhu hofin.

2 Tutul Israél 32:21

Ominen wen hógów Dwata gu bè longit ebè yóm kul kamfù yó kem sendalù Asirya. Gotu hnatayen yó kem sendalù Asirya alì kemgis, ne yó kem kmandér le ne kem genlal bè yó kem sendalù le. Yó gónóm mon, tódô mulék ebè benwuhen Sinakirib ne tey kyaken. Bè yóm kkólen bè gónô yóm kun dwata, wen bè yó kem ngaen monok du sudeng bè yó.

1 Samwél 3:13

Deng gel tulónu ke Ili ne yóm móyón ktafaku yó kem fes lówóhen, yóm tafak laen dù sónen lemwót bè yóm kudél le sidek e tahu yó kem ngaen logi. Deng tngón Ili se yóm nmò yó kem ngaen, okóm là kô dog gel bnólówen kul.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Mika 5:14

Angat hnugónu yóm dwata lennged libun bnoluy ye Asira sù ye lem benwu ye ne gotu genbau yó kem syudad gónóhen nô.

Hbakuk 2:10

Okóm lemwót bè yóm deng kbonok ye, deng henyak ye knô ye ne deng genbà ye ktau ye.

Danyél 5:27

Tékél, yó lanen tnimbang. Deng tnimbang Dwata ne yóm kóm gel nmò, okóm laen dù lemen.