Nahum 1:12 - Udél Dwata: Gna Kesfasad ne Lomi Kesfasad

¹² Yó udél yóm sana Dwata hol gónó mogot ebè yó kem kun tau Israél, monen, “Yó kem tau Asirya, baluen he ke hilu kwen le ne balù yóm tey kekgis le, angat gotu genlau lu anì gotu le lana talak tonok. Ó kem dou tau, deng suléku ne tmafak kuy, là kô bud budu du ne.

Nahum 1:12 Referans Kwoze

Juwél 2:19

Yó balaen yóm hni le, monen, “Ngem, bud henwitu yu halay ne tifas grép ne hnolo ulib ne angat tey gsengel nawa ye du. Là bud ye tau gel sendekà yó kem tólóng tau bè dumu benwu.

Deng Hegfan 7:16

Là kô bud wen kbitil le duhen ke wen kleeng le. Ne là se kô bud gnóm le du yóm sidek ékét kdaw.

Nahum 1:15

Tengel ye dé, wen tau sut gu lem bulul mit tulón hyu. Yó tulónen bud menek kebenwu ye kun. Ó kem tau bè Juda, bud nmò ye dé yó kem dê gel hnigal ye ne dnohò ye yó kem deng fasad ye ke Dwata, abay se yó kem tau Ninibi hmohon kuy yó, là bud nled le du ne benwu ye. Deng le gotu sulék meglà.

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Isaya 31:8

Angat meglà bè gida yóm benwu Asirya hohon ye, okóm là lemwóten bè kgis tau. Angat le gotu mlóy gu bè gida yó kem sendalù Asirya. Ne yó kem lomi lemnok bélê le angat le gotu baling hesek.

Isaya 30:19

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

Isaya 7:20

Bè yóm kdaw yó, wen tau bnayad Dwata tau lemwót fi gu fatu yóm él Yufratis, duhen yóm tau hol geta bè Asirya. Yó nmoen, hol lómón yóm tau gmunting wek gotu nkihen bnget ye ne wek ye ne bul bè lówó ye anì gotu ye myak.

2 Bok Kem Tau Hol Geta 19:37

Sotu kdaw, yóm igò Sinakirib tolo tmaba dwata kéng bè gónô dwatahen boluyen Nisrok, tódô hnatay yó kem lewu ngaen logi Adramélék ne Sarisér, tnibó le sudeng, omin le mlóy etu bè Ararat. Ne yóm sotu ngà Sinakirib logi boluyen Isarhadon bud temles ke maen mò tau hol geta.

2 Bok Kem Tau Hol Geta 19:35

Bè yóm kifu yó, wen hógów Dwata gu bè longit ebè kamfù yó kem tau Asirya, botong lematu wolu folò limu libuhen tau hnatayen. Bè yóm kebtik le hlafus yó kem sendalù Asirya dù mowil, ton le deng tódô hgasà tau matay bè klamang kamfù le.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Isaya 10:16

Yó angat nmò yóm Dwata laen dù là gbeken du, angat wen des hwiten ebè yó kem tau mabù tilob kken le mò tmafak kul. Hol lómón ke wen ofi senflós mken lem lówó le.