Nahum 1:10 - Udél Dwata: Gna Kesfasad ne Lomi Kesfasad

¹⁰ Yó kmò ktonen kul yó kem hmohon du yó, lómón ke yó kem bnes skebeng alì semnual ne lómón yóm tau lengel glénggé mógów. Yó angat kmoen kul, gotu ntemen lu. Lómó ktemen kul, lómón yó kem lami deng mékéng bè tniba.

Nahum 1:10 Referans Kwoze

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Nahum 3:11

Ne uu Ninibi, angati glénggé snéen kóm, hol lómón yóm tau lengel. Angat sónmoem hebnos, knikoem yó kem hohonem mundug kóm.

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Kem Lingón 68:2

Hol gotu lohem lu, lómó kmoem kul, lómón ke kebel nyuf lenos. Lómón yóm tolu mnò bè ofi, hol lómón yó se keglaem kul bè soluhem yó kem tau gel mò sidek.

2 Samwél 13:28

Omin Absalum mon du bè yó kem tóbóng lówóhen, “Nangat ye ke deng alì lengel Amnon, ne ke wen ilô nmou bélê ye, hnatay ye. Bê ye abay hlikò, ou se mdók kuy. Hfól ye nawa ye, hnatay ye.”

1 Samwél 25:36

Tikóng kól bè gónô Abigil tódô glohen Nabal, wen tey ken bong nmoen, hol lómón ke du yóm sotu tau hol geta. Tey klengelen, yó gónó Abigil là tagad tmulón du du yóm deng keston le Dabid efet hlafus haya.

Kem Lingón 118:12

Yó kem hohonu yó, lómón tô le yê nuhag, deng le gotu lememek hilolu. Okóm lómón tô le loob mékéng ke mton ofi, là kóen legen. Gotu genlau lu mlan bè kfasang Dwata.

Kehewà 5:12

Tahu se, tódô lenngeb yó kem tau Israél yóm benwu Idyip na a mebel lami.

Kehewà 15:7

Bè yóm tey kfasangem gónóm gemmò. Laen kô dù gmò le yó kem hohonem. Yóm kebutem, hol lómón yóm ofi mken lami.