Nahum 1:1 - Udél Dwata: Gna Kesfasad ne Lomi Kesfasad

¹ Ni se yóm udél Dwata gbak bè yóm benwu Ninibi, htonen ke Nahum yóm tau menwu bè Élkus.

Nahum 1:1 Referans Kwoze

Sifanaya 2:13

Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

Juna 1:2

yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”

Nahum 2:8

Yó gónó tekuy hmingón du yóm benwu Ninibi, lómón ke él busung deng tbó, gotu molo yóm él nô lemen. Lómón yó se kmò yó kem tau bè Ninibi, gotu le mlóy. Wen se mon du, “Bê, bê,” okóm mom lenwê le mlóy yó kem tauhen.

2 Bok Kem Tau Hol Geta 19:36

Kewót Sinakirib bè yó, mulék ebè benwuhen bè Asirya, ne bè yó bè syudad Ninibi gónón na nô.

Hbakuk 1:1

Ni se udél yóm sana Dwata hol gónó mogot ebè yóm sotu tugoden boluyen Hbakuk. Yóm kudélen ebéléen hlanen bè yóm htonen du.

Malakay 1:1

Ni se udél yóm sana Dwata hol gónó mogot ebè yó kem tau Israél hlanen bè Malakay yóm tugoden.

Isaya 10:5

Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.