Mika 7:9 - Udél Dwata: Gna Kesfasad ne Lomi Kesfasad

⁹ Tódô henbalahu yóm ktafak Dwata do, yakà denge gemsalà béléen. Okóm kogolen bè yó, bud nfihen ou ne tnafaken yó kem hohonu bè kdê yó kem sidek deng nmò le béléu. Tódô hewà Dwata o lem yóm gónón kmifu, nwiten o ebè layag ne bud tonu yóm tey ktedengen.

Mika 7:9 Referans Kwoze

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kem Lingón 37:6

Ke tedeng yóm gel nmoem, hegfan Dwata bè kdéen tau. Hol lómón kehegfanen du, lómón ke nóng kdaw deng gtungó.

1 Samwél 24:15

Dwata he kmukum kut ke mahil du bélê te mò du yóm tedeng ne Dwata he tmafak yóm tau wen salaen. Du he mfi do ne angat lenwaen o lem tdokem.”

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Isaya 46:13

Igoen deng moni yóm kehegmou kuy, móyónen htó ne laen kô bud gónón ganggà. Angat lenwau Jirusalim ne hegetahu yó kem tau Israél bè yó.” Là gomongen bè nili yóm tsaptér 47. Yó tulónen bè ni yóm eles ktulón Isaya du yóm angat kegbà Babilun, yóm benwu alì tótól bè ksidek gel nmò le. Tulón Dwata bè yó kem tauhen yóm kéléken yóm benwu Babilun mò tmafak kul, okóm alì gedlug yóm kmò kem tau Babilun kul. Balù udì ke wen kodu le yó kem tau Israél. Okóm yó mon Dwata ebè yó kem tauhen, “Yóm alì gfà ye, bud huléku eta yó kem tau Babilun ne là kô le gewà du. Balù sotu bè yó kem gel snalig le ke tô gembek lemwà kul, balù yó kem wè le, ne yó kem tau wen gónó le ma, ne yó kem tau gónó le hmungol hlau duhen ke yó kem tau hulung temngel kógów blotik, là kô na le e gbek du lemwà kul.”

Kem Lingón 43:1

Ó Dwata, hol hdilóem yóm là ktahuhen yóm gel duón le dou yó kem tau là temngón kóm. Hol nfihem ou. Hewaem ou lem tdok yó kem tau mò kéng ne bè yó kem tau gel mò sidek.

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

2 Samwél 24:17

Timbow ton Dabid yóm hógów Dwata mit hatay, yó monen mò ke Dwata, “Ou se yóm deng gemsalà béléem, ne bud ou se mò du yóm sidek. Okóm kul ni kem tau ni, hol lómón ke ubiha le, laen dù sidek nmò le. Ou ne tnafakem homongem yó kem fes lówóhu.”

1 Samwél 26:10

Tódô tulónu kóm ktahuhen hlanu bè boluy yóm Dwata là matayen, Dwata se angat hmatay du hlanen bè des duhen ke bè gida.

1 Samwél 25:39

Timbow gungol Dabid yóm deng katay Nabal, yó udélen, monen, “Megdóyón yóm Dwata, du se fen meles ke Nabal bè yóm sidek deng nmoen béléu. Deng henseng Dwata o anì là melese. Deng guta Nabal ne balà yóm nmoen.” Omin Dabid kendel mdók tau ebè Abigil anì snólók le ke móyô myehen ke Dabid.

1 Samwél 3:18

Tahu se, gotu tulón Samwél ke Ili yóm kdéen, laen dù bnosen du. Yó mon Ili mò du, “Dwata se yó, nmoen yóm hyu béléen.”

Kem Lingón 94:15

Yó kem tau tedeng kmò le, angat bud mulék ebélê le yóm kukum tedeng, ne tódô kdê le gotu lemolò du.

Kem Lingón 119:154

Nfihem ou, ne nsokem ou. Hlowilem ou lómón yóm deng fasadem do.

Isaya 42:7

Angat htonem yó kem butô ne angat hewaem yó kem tau geblanggù lem yóm gónón kmifu.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Jirimaya 10:19

Yó angat utóm kik yó kem tau bè Jirusalim, mon le, “Tey sidek nim tódô bélê me ni. Laen kô tul kkóhen yó kem halì me. Tódô kem henbala me nim tey gfà me ni.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.