Mika 7:7 - Udél Dwata: Gna Kesfasad ne Lomi Kesfasad

⁷ Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Mika 7:7 Referans Kwoze

Kem Lingón 37:7

Hol hanayem nawam mangat du yóm któbóng Dwata kóm, béi htakas. Béem kenteng mata yó kem tau deng hyu kul kógów klowil, duhen ke yó kem tau deng wen gónón e baling yó kem sidek gel natul le.

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Kem Lingón 25:5

Hol nalakem ou lemwót bè yóm ktahuhen lemwót béléem, ne hol tolokem ou, abay se uu yóm Dwata deng gel lemwà dou. Tódô knoyungu kdaw tendo smalig béléem.

Kem Lingón 130:5

Tey kangatu du yóm któbóng Dwata do, ne tey kegléd nawahu du yóm udélen ebéléu.

Kem Lingón 109:4

Tey kbong nawahu kul, okóm kul, mom hohon le ou igou sem gel mni kul bè Dwata.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 65:2

abay se gel bnalaem yóm kni me ebéléem. Angat tódô kdéen tau bè klamangen benwu, gotu le mógów ebéléem

Tekang Kbuten 49:18

Ó Dwata, uu se yóm hol nangatu mò lemwà kum.

Kem Lingón 38:15

Uu se yóm dou nangat, Dwata. Uu se malà kul, yakà uu du yóm sana Dwata hol dou gónó mogot.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Juwél 1:19

Ó Dwata, hol tnóbóngem mi. Hol lómón ke deng gotu ken ofi yóm gónó le mótób yó kem ógóf me kkólen bè yó kem koyu me, hol lómón ke deng le gotu mlób.

Hbakuk 2:1

Ni mkafe eta yóm gónô mentey geta, bè yó gónóhu mangat du yóm udélen ebéléu yóm sana Dwata hol gónó mogot ne yóm kmò kbalaen du yóm tnakasu.

Kem Lingón 85:5

Laen dù sónen ne kô yóm alì kebutem kum? Là buden teflok ne kô yóm kebutem kum efet kól bè yó kem lugod me?

Lanu Jirimaya 3:24

Yó mon nawahu, “Tek són Dwata se yóm là lanahen béléu. Yó gónóm mon, du se nefet nawahu.”

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.