Mika 6:6 - Udél Dwata: Gna Kesfasad ne Lomi Kesfasad

⁶ Bè yóm bud ktaba tekuy ebè Dwata yóm Dwata bè longit, tedu se tô nwit tekuy ebéléen du mò blay tekuy du bè yó kem sidek deng gel nmò tekuy? Nwit tekuy ebéléen kô yóm ngà safì hanà sfalayen alì hyu bè kdéen mò hkekeb te ebéléen?

Mika 6:6 Referans Kwoze

Kul Nmò 2:37

Timbow gungol yó kem tey tau sbung yóm udél Pitér yó, ya tey sidek ktafa nawa le, botong mon le mò ke Pitér ne ebè yó kem dumuhen gel hógów Jisas, mon le, “Ó kem dumu me setwoli, tedu se mò kmò me du?”

Mark 5:7

ne ominen tódô hendlà lemangat, monen, “Ó Jisas, yóm hol Ngà yóm Dwata alì geta bè kdéen. Tedu hendufem béléu ni du? Smafai do bè Dwata kun anì là kendel tnafakem do ni.”

Matyu 19:16

Sotu kdaw bè yó, wen sotu tau mógów ebè Jisas, monen, “Ó Sér, wen snólóku béléem. Tedu de yóm hyu mò nmou anì gutahu yóm klowil laen dù sónen?”

Danyél 3:26

Omin Nibukadnisar tô hloni ebè bak tum tey ofi dmilóf mung du yóm tey ketgamahen, tmaba monen, “Ó Sadrak ne Misak ne Abidnigu kem tau tóbóng lówó yóm Dwata hol geta bè kdéen hewà ye edini.” Tahu se, hewà le gu lem ofi le Sadrak ne Misak ne Abidnigu.

Kul Nmò 16:30

Ominen mit kul hewà, monen, “Ó kem Sér, tedu se tô nmou du anì gewae gu lem hatay?”

Kul Nmò 16:17

Bè yóm igò me mógów, tódô mensag huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.”

Kun Snulat Jan 6:26

Bnalà Jisas se lu, monen, “Tódô tulónu kuy ktahuhen, tek sotu gónó ye mebel do lanu deng hemken kuy efet ye bsow. Okóm là kô dog dilô ye du tennefen yó kem hentaw ton nmou yó.

Kun Snulat Luk 10:25

Wen sotu bè yó kem gel tmolok hlau sut bè Jisas, wen snólóken béléen mò gónón tmilów du, monen, “Wen tô snólóku béléem, Sér,” monen. “Tedu de tô nmou du anì gutahu yóm klowil laen dù sónen?”

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Kem Lingón 22:29

Yó kem tau hegeta knô angat le gotu heglaan béléen. Laen kô dù tau te tonok ke là mtuden bukol bè soluhen.

Kehewà 12:5

Yóm ubiha nélék ye duhen ke kambing, hyu ke hanà tolo sfalayen, yóm laen dù óngóhen bede logi.

Ifisus 3:14

Duhen yó, botonge mtud bukol bè solu yóm Mà tekuy.

Mark 12:33

Là hyuhen ke là kenbong nawa tekuy ke Dwata, ne ke là hotu tekuy nawa tekuy ebéléen, ne ke là hmung tekuy du kehedem tekuy ne gel tekuy. Ne là hyuhen ke là kenbong nawa tekuy kem dumu tekuy lómón yóm kbong nawa tekuy yóm kut knô. Ke lolò tekuy ni kem lewu hlau ni, ni se tey bong muhen bè Dwata senta yó kem ógóf gel dsù tekuy ebéléen, dalang se yó kem dumu gel dsù tekuy.”

Hibru 10:11

Yó kem Ju gel demsù ebè Dwata, ket kdaw le mò du yóm kul nmò. Deng hónô solò yóm gel kedsù le, ewenem, là kô gbeken mkó du yó kem salà le.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Kem Lingón 95:2

Hloni tekuy ebè Dwata, mung du yóm tey keslamat tekuy béléen. Hol tekuy hligal semngal, yóm sngal mò dmóyón du.

Isaya 40:16

Tódô klamang yóm dlag Libanun là kóen kóyów yó kem koyuhen semnuk du yóm dsù mò gónó hol madat ke Dwata. Ne yóm kdéen ógóf mò gel dsù là kóen kóyów ke mò dsù ebè Dwata.

Jirimaya 6:20

Tedu de muhu du yóm insinsu lemwót bè benwu Siba, yóm gel ntem ye mò hboo ye ebéléu? Ne yó kem dumu alì mebtes tilob boohen lemwót bè benwu mayuk, tedu de muhu du? Yóm dsù gel hkekeb ye ebéléu là kóe móyô du. Yó kem dumu gel dsù ye, là kóe na a hligal du.”

Husiya 5:6

Nwit le kem ubiha ne kem safì mò dsù le ebè Dwata, okóm deng mom gtufì. Là bud ton le ke Dwata ne, deng tnagaken lu.

Amus 5:22

Baluen ke mit ye ebéléu yó kem dsù gel hkekeb ye ne ke mit ye ebéléu yó kem halay ye, là kô henmóyóu kul. Là se henmóyóu du yó kem ógóf deng habù ye mò blay ye ebéléu.Blà ye ne hebnes semngal. Là bude móyô hmungol du ne yó kem gel kenbit ye.

Kem Lingón 116:12

Tedu tô blayu ke Dwata du mò balau yóm tey hyu nmoen béléu?

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kem Udél Hlalak Tehe Selumun 21:3

Tey hyu nawa Dwata du yóm tedeng ne yóm là kkihu senta yóm gel dsù ebéléen.