Mika 6:5 - Udél Dwata: Gna Kesfasad ne Lomi Kesfasad

⁵ Ó kem dou tau, hentulón ye nawa dé yóm tehe tô atul Balak bélê ye yóm tau hol geta bè Muab bè yóm tô kehmulaen kuy, ne yóm tehe kmò kbalà Balaam du yóm ngà Biyur logi bè yóm knihen bélê ye yóm tóbóng Dwata. Là klifót ye du kô yóm yó? Hentulón ye nawa yóm tehe gónóhu tmóbóng kuy lenwóten bè kamfù Akasya efet kól bè Gilgal, yóm tehe kdê nmou bélê ye mò gónó ye gewà.”

Mika 6:5 Referans Kwoze

Lista 25:1

Bè yóm kkamfù yó kem tau Israél bè Datal Akasya yó nmò le, deng mom wen bélê le mò samuk bè yó kem libun Muab nô bè yó.

Kmukum 5:11

Henklingu ye lu dé yó kem tau hmilol kokol. Sentulón le yóm deng kegmò Dwata bè yó kem hohonen ne yóm deng kegmò yó kem tau Israél. Ne yó kem kun tau Dwata, bud le stifun bè bak tikeb yóm syudad le, sentulón le yóm deng kegmò Dwata.

Juswa 4:19

Yóm kifal le Él Jurdan yó kem tau Israél, deng bè gesfoloen kdaw bè yóm tanay bulón. Bè Gilgal gónó le kmamfù fi dmata kdaw Jiriku.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

Sulat Jud 1:11

Tey angat gfà le yó kem tmolok sekban abay se lolò le yóm tehe kun kmò sidek Kain ekni, hnatayen Abél yóm twolihen, ne yóm tehe kun nmò Balaam, móyô mò du yóm sidek anì wen filak gutahen. Ne sotuhen, mkél le bè yóm tehe katù Kura ke Musis ekni. Tódô genlà Dwata lu.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

2 Pitér 2:15

Deng tnagak le ne yóm lan tedeng, deng le mom hetlas. Deng glolò le yóm tehe nmò Balam, ngà Biyur, sotu tau tehe tmugod ke Dwata ekni. Okóm là kóen bê mò du yóm sidek ke wen filak gutahen.

Kem Lingón 143:11

Lenwaem ou, Dwata, mò gónón megdóyón boluyem. Bè yóm tey ktedengem, yó gónóhu gewà bè nim gónóhu glayam.

Dwata 9:7

Bê ye abay klifót yóm tehe kehefebut ye ke Dwata yóm kuy Dwata hol gónó mogot, ditu bè yóm benwu laen hol wen tauhen. Tódô lenwóten bè yóm kdaw ktebel ye yóm benwu Idyip efet ye gefet dini, yó ne yóm tendo ksonol ye ke Dwata.

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Ifisus 2:11

Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Lista 31:16

Igoen lu se yó kem libun tehe gmung bè atul Balaam ditu bè Bulul Piyor. Ne yó se yóm but gónó le kmogol ke Dwata yó kem tau Israél. Ni kem libun ni, lu se buten yóm gónó Dwata alì tmafak yó kem tau Israél.”

Lista 31:8

Gomong hnatay le yóm limu kem tau hol geta bè yó kem tau Midyan, yó boluy le Ibi ne Rékém ne Sur ne Hur ne Riban. Hnatay le se Balaam kun yóm ngà Biyur, tnibó le kmò le du.

Lista 23:27

Yó bud mon Balak mò ke Balaam, “Budi mung dou ebè yóm dumu gónón gedwóng. Déke bè yó gónó Dwata móyô anì henmulaem lu dou yó kem tau Israél.”

Lista 22:41

Timbow hlafus bè yó, nwit Balak Balaam eta yóm bulul boluyen Bamut Baal ne bè yó gónó Balaam seblà mton kul yó kem dumu tau Israél.

Kem Lingón 111:4

Là kô klifót kem tau du yó kem hentaw ton nmò Dwata. Tey hyu yóm Dwata tekuy, lelen tey kmodu tau.

Kem Lingón 71:19

Yóm tey ktedengem, Dwata, botong gefet ditu bè yóm hol longit geta. Tey bong hentaw yó kem deng gendengem, Dwata. Laen kô dù semnged kóm.

Kem Lingón 36:10

Hol senflósem kembong nawa kul yó kem tau kembong nawa kóm. Hol hentedengem kmukum kul yó kem tau tedeng kmò le.

1 Samwél 12:7

Ne ni, tódô ye henek mdà bè ni bè solu Dwata yóm igou heftulón du bè nawa ye yóm kdê deng gendeng Dwata bélê ye dalang se bè yó kem tehe fù ye ekni.

Juswa 2:1

Omin Juswa lifut mdók lewu tau lemwót bè yó bè kamfù le bè Akasya mò na a hemkana yóm benwu Kanan, hol néen yóm syudad Jiriku. Timbow le kól bè yóm syudad yó, yóm lewu kem tau hemkana yó koni, tódô le hlós ebè gónô yóm sotu libun hdóyón boluyen Rahab ne bè yó gónó le tungô.

Juswa 3:1

Timbow hlafus hayahen bè yó, tódô temkifu btik Juswa ne kdê yó kem tau Israél, tnagak le yóm kamfù le bè Akasya, mógów le etu bè Él Jurdan ne bè yó gónó le hlun bud kmamfù, nangat le yóm kdaw le mifal.

Isaya 1:27

Lemwót bè yóm tey ktedeng nawa Dwata, yó gónón angat lemwà yóm syudad Jirusalim bè yó kem hohonen ne gomong lenwaen yóm kdéen tau deng hegsel nô lemen.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.