Mika 6:4 - Udél Dwata: Gna Kesfasad ne Lomi Kesfasad

⁴ Igou deng mit kuy hewà gu bè Idyip ne deng lenwau yu gu bè yóm gónó ye ghesek. Deng hógówu tukô gna kuy le Musis ne Aron ne Miryam mò malak kuy.

Mika 6:4 Referans Kwoze

Dwata 7:8

Okóm kenbong nawa Dwata yu ne là gbeken du ke là hendohoen du yóm tehe fasaden yó kem tehe fù ye. Yó se gónón lemwà kuy mlan bè yóm tey kegbeken, lenwaen yu bè yóm keghesek ye bè Faro bè Idyip.

Amus 2:10

Ou se tehe hewà kuy gu bè Idyip ne fat folò halayu malak kuy gu lem yóm benwu laen hol wen tauhen ne hfunu kuy yóm tonok yó kem tau Amurayt.

Jirimaya 32:21

Lemwót bè yó kem tey dê hentaw ton tehe nmoem, yó gónón sidek klikò le yó kem hohon me. Tódô mlan bè yóm tey kegbekem ne yóm tey kfasangem gónóm tehe mit kul hewà gu bè Idyip yó kem tauhem Israél.

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Lista 12:1

Lemwót bè yóm kyehen Musis yóm libun tau Kusayt, yó nmò Miryam lewu le Aron, tey dê udél le etahen.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Kul Nmò 7:36

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.

Kem Lingón 77:20

Tehe nalakem yó kem kóm tau bè yóm lan yó, hol lómón kalakem kul ubiha, bede hlanem bè le Musis lewu le Aron.

Dwata 9:26

Yó nmou, mnihe bè Dwata, monu, ‘Ó Dwata, yóm hol dandónen geta mogot yóm klamangen, hol béem abay genlà lu yó kem kóm tau, yó kem tau deng hewaem gu bè Idyip mlan bè yóm tey kgisem ne bè yóm tey kegbekem.

Dwata 5:6

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Kehewà 4:16

Du mò angat gel htugodem bè yó kem tau Israél. Lómón ke uu Dwata, angat gel htugodem du yóm nóyô monem.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Kehewà 3:10

Duhen ni, hógówu u ebè Faro bè Idyip anì nitem lu hewà gu bè yóm kun benwu yó kem dou tau.”

Kehewà 4:10

Okóm mom yó balà Musis du, monen, “Hnifótem o, Dwata. Béem hógów ou etu. Yakem hulunge mudél lem blóng tau dou. Tódô lemwót bè kbuten efet nim kestulón te ni, là kóe hol hulung mudél. Malù batul kudélu.”

1 Samwél 12:6

Yó bud udél Samwél ebè yó kem tau, monen, “Tahu se, Dwata temksì du, yóm Dwata tehe mélék ke Musis lewu le Aron ne tehe hewà yó kem tehe fù ye gu bè Idyip.