Mika 6:2 - Udél Dwata: Gna Kesfasad ne Lomi Kesfasad

² Ne yu kem bulul ne begel tonok lemwót bè hol kbuten ne laen kô dù tul sónen, hnungol ye yóm tifù Dwata yó kem tauhen. Wen tey tifù Dwata kul yó kem kun tau Israél.

Mika 6:2 Referans Kwoze

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Kem Lingón 104:5

Tey kehbegelem du yóm benwu deng nmoem, anì là kóen na a sliwo.

2 Samwél 22:16

Lemwót bè kudél Dwata, hesuten yóm tey kebuten, botong gfan sokol mohin, dalang se tud blóngón tonok.

Dwata 32:22

Yóm kebutu kul ni hol lómón ke mkal ofi, tódô gotu kenen yó kem kentihen nô talak tonok efet kól ditu tlaan bè benwu yó kem tau deng matay. Gomong kenen yó kem but bulul laan tonok.

Jirimaya 31:37

Yóm là kegbek bemtes yóm longit ne là kegbek hemnagì du yóm but tud blóngón tonok, lómón yó se yóm là kegbeku hlós kembê kul yó kem tau Israél balù yóm tey kwen yó kem salà nmò le. Ou se Dwata yóm mudél ni.

Jirimaya 2:9

Yó gónóm mon angat nwitu yu bè kukum, ngangu dmuón kuy efet kól bè yó kem angat lugod ye. Ou se yóm sana Dwata hol gónó mogot nim mudél ni.

Isaya 43:26

Mógów tekuy ebè gónô skukum dé, klamo ye ou ditu. Hegfan ye kun ke tahu yóm gónó ye kmamo do.

Isaya 5:3

Yó udél yóm weu, monen, “Yu kem tau menwu bè Jirusalim ne bè benwu Juda fen knukum ye do dé yó kem huluhu.

Kem Udél Hlalak Tehe Selumun 8:29

Ne bude se nô bè yó bè yóm koluhen kem él mohin, yóm kmonen du hol bê le nulé yóm bengelen du. Ne bude se nô bè yó bè yóm kehbegelen yóm klamangen tonok.

2 Samwél 22:8

Lemwót bè yóm kebut Dwata yó kem hohonu, tódô megsinsig tonok, ne megsinsig tud blóngón longit.

Dwata 4:26

Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Mika 6:1

Ni hol hnungol ye yóm udél Dwata ebè yó kem tau Israél, monen, “Yó kun tulón ye yóm tifù ye dou. Hfungol tekuy yó kem bulul lembang ne hfungol tekuy yó kem bulul lemnek yóm udél ye.