Mika 6:1 - Udél Dwata: Gna Kesfasad ne Lomi Kesfasad

¹ Ni hol hnungol ye yóm udél Dwata ebè yó kem tau Israél, monen, “Yó kun tulón ye yóm tifù ye dou. Hfungol tekuy yó kem bulul lembang ne hfungol tekuy yó kem bulul lemnek yóm udél ye.

Mika 6:1 Referans Kwoze

Jirimaya 22:29

Ó tonok, hol hnungolem yóm udél Dwata, monen,

Dwata 32:1

“Ó longit, hnungolem nim monu ni. Dalang se kóm tonok, henklinguhem nim btang bè sumóngu.

Mika 1:2

Ó kem kdéen tau, ni mò hol hnungol ye. Yóm kdéen tau mowil talak tonok, hol hnungol ye yóm udélen ebélê ye yóm Dwata hol dandónen geta. Mudél ebélê ye gu lem tum Gónóen bè longit.

Isikél 36:1

Yó bud udélen ebéléu yóm sana Dwata hol gónó mogot, monen, “Ó Tau Tonok, tugodem do ebè yó kem bulul bè Israél. Tulónem kul yóm udélu ebélê le, monem, Ó kem bulul bè Israél, hol hnungol ye yóm udél Dwata ebélê ye.

Kem Lingón 50:4

Tinoken longit ne tonok mò temksì du yóm kkukumen yó kem kun tau.

Dwata 4:26

Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Isikél 36:8

Okóm yu kem bulul bè Israél, angat le bud tmubed yó kem tmowok ta ye, angat tey kbungu yó kem koyu mungu bè yó mò ken yó kem tau Israél bè yóm bud kesfulék le. Ne móyón le bud semfulék ne ni.

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Kun Snulat Luk 19:40

Ne mudél ebélê le Jisas, monen, “Tódô tulónu kuy, ke tódô le neb ni kem tau mung dou ni, ngem kà tódô le fen mensag ni kem botu bè lan nii.”

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Isikél 37:4

Omin Dwata bud mon du mò do, “Mudéli ebè ni kem tiol nii, monem mò kul, ‘Ó kem tiol deng legen, hnungol ye yóm udél Dwata ebélê ye.

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

1 Samwél 15:16

Mon Samwél se mò ke Sol, “Botongen yó ne udélem. Hnungolem yóm udél Dwata ebéléu ebuteng.” “Boluyen de?” mon Sol.

1 Samwél 12:7

Ne ni, tódô ye henek mdà bè ni bè solu Dwata yóm igou heftulón du bè nawa ye yóm kdê deng gendeng Dwata bélê ye dalang se bè yó kem tehe fù ye ekni.

Mika 5:15

Koku eta yó kem benwu là mimón dou yóm sidek alì kebutu kul mò balau kul.”

Mika 6:2

Ne yu kem bulul ne begel tonok lemwót bè hol kbuten ne laen kô dù tul sónen, hnungol ye yóm tifù Dwata yó kem tauhen. Wen tey tifù Dwata kul yó kem kun tau Israél.