Mika 5:9 - Udél Dwata: Gna Kesfasad ne Lomi Kesfasad

⁹ Angat le gotu gemmò yó kem tau Israél bè yó kem hohon le ne gotu le meglà yóm kdê hohon le yó.

Mika 5:9 Referans Kwoze

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Kem Lingón 21:8

Ó Dwata, angat gotu kenfóem yóm kdê hohonem. Yóm alì kekgis sigel kwananem gónóm gemkfô kul yó kem tau kmutó nawa kóm.

Kem Lingón 10:12

Hekmóni, Dwata. Tnafakem lu, Dwata, yó kem tau gel mò sidek. Béem abay klifót yó kem tau laen dù gmò le.

1 Kurin 15:25

Bede là tagad nmoen du he yóm yó ke là nan na gotu ndà kul elaan yó kem hmohon du.

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Isaya 33:10

Yó udél Dwata ebè yó kem tau bè klamangen benwu, monen, “Ni angat wen nmou. Htonu kuy yóm kfasangu.

Isaya 1:25

Bnalau ne yó kem sidek gel nmò ye. Yó kmou kuy hol lómón yóm tau gel tmógó blówón anì mkó yóm bolen. Lómón yó se yóm angat nmou bélê ye anì gotu mkó yóm bolen sidek yóm gel tonu bélê ye.

Kem Lingón 106:26

Yó gónóm mon, snafà Dwata yóm khatayen kul bè yóm benwu laen hol wen tauhen,

Hagay 2:22

Angat genbau yó kem dumu benwu ne nmou sónen yóm kfasang le. Gotu hensideku yó kem klitun gel nit le sgida ne yó kem tau gel mit kul. Ne gotu matay yó kem kudà le ne yó kem tau tehe smakay kul, gotu le matay lan le tódô sfatay honon lu.

Sikaraya 9:10

Bud mon Dwata, Angat gotu kóhu bè benwu Israél yó kem klitun tók gel nwit le sgida ne angat kóhu bè Jirusalim yó kem kudà gel nwit le ebè gida ne angat gotu genbau yó kem ngom sfatay gel nwit le ebè gida. Yóm tau angat geta bélê ye, du se mit kenek kbenwu bè klamangen. Yó klamang nogoten, tódô lenngeben klamang benwu ne bud lenwóten bè Él Yufratis efet kól bè són tonok.