Mika 5:8 - Udél Dwata: Gna Kesfasad ne Lomi Kesfasad

⁸ Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Mika 5:8 Referans Kwoze

Sikaraya 10:5

Yó angat gónó le mkél yó kem tau bè Juda, lómón yó kem sendalù alì kemgis bè gida, gotu sninà ndà le yó kem hohon le, lómón mdà hitok. Lemwót bè yóm knô Dwata bélê le bè yóm kesfatay le, sal le gel gemmò bè yó kem hohon le, balù bè yó kem hohon le smakay kudà.

Mika 4:13

Yó udél Dwata, monen, “Ó kem tau bè Jirusalim, htigel ye ne gotu knusu ye lu yó kem hohon ye. Yó nmou bélê ye, hekgisu yu lómón kekgis safì tudu hmanga bala tók ne kmasingen tembaga futì anì gbek ye lemusok mdà kul yó kem benwu hmohon kuy. Omin ye yó mit du ebéléu yóm kdê kendengen deng tehe negef le mò blay ye do, blay ye ebè yóm Dwata kmamal yóm klamangen benwu.”

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Sikaraya 9:15

Fen kenlungen yó kem tauhen yóm Dwata laen dù là gbeken du ne gotu genlà le yó kem hohon le gel hmasut kul botu. Tey angat kehsag le bè yóm kesgida le lómón kehsag yó kem tau lengel. Gotu namà le litô yó kem hohon le, tódô molo lómón kolo litô yó kem ógóf gel dsù le, yóm gel snilung le mò twél le ta yóm gónó demsù.

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Kul Nmò 18:6

Okóm là dog mom hentahu le du, ne tey sidek gel kebkó le ebéléen. Yó nmò Pol, kenfungen nesen, ne monen mò kul, “Laen dù dou du ne ke bang Dwata tmafak kuy. Tódô ebè yó ne kem tau là Ju le gónóhu e tmolok.”

Matyu 10:14

Ne ke wen benwu là hmódó kuy, ne ke là dog hnungol le kuy, tódô tnagak ye yóm benwu yó, olo ye tmótók kfung bè ti ye.

Tekang Kbuten 49:9

Lómón ke uu yóm sotu liyun lomi lemnok deng hnatayen yóm kenfóen, ominen bud mulék bè yóm gónón gel nô. Bentolen kwangen ominen hlilil, balù sotu ke wen mlos hmala du.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

Lista 24:9

Yó kem tau Israél, hol lómón ke yóm liyun alì lóbô. Ke tolo tungô laen dù mlos bemtik du. Yó se tau muyag yó kem tau Israél angat bud nuyag Dwata se kun. Ne yó se tau hemmulà kul angat bud henmulà Dwata se kun.”

Kem Lingón 44:5

Mlan bè kfasangem gónó me gembek mlo kul yó kem hohon me. Mlan bè boluyem gónó me gembek mdà kul elaan.

Kem Lingón 104:20

Deng nmoem yóm kifu, ne kdê yó kem ógóf lem bnes, gotu le hewà se kul ke deng kifu.

Kem Udél Hlalak Tehe Selumun 30:30

Duhen ni kem ni: yóm alì kemgis bè kdéen ógóf, yóm mon le liyun ne laen se kô mtukul knikoen.

Mika 2:12

Yó bud udél Dwata ebélê le, monen mò kul, “Okóm yu kem dù tebel bè yó kem tau Israél, hulin kdaw gotu bud sentifunu yu. Gotu bud nwitu yu semfulék lómón yó kem ubiha bud mulék ebè yóm hol kul gónó nô ne lómón yó kem ógóf bud mótób bè yóm hol kul gónó mótób. Yóm benwu ye, angat tey bud genged tauhen.”

Mika 4:7

Yó kem tau tugô tehe negef le yó, angat nmou lu kem tau dù tebel. Angat tey kehbólu kul, lelu bud hbegel kbenwu le. Ominen ou yóm angat mogot kul bè Bulul Sayun ne laen kô dù tul sónen yóm kogotu kul.”

Mika 5:3

Yó kem tau Israél, angat tódô bayà Dwata lu elem hólól yó kem hohon le efet kól bè yóm kdaw wen libun kmuleng blututen ne mngà logi. Ominen yó lemwót yó kem tau Israél deng negef le mayuk, tódô le bud mulék ebè yóm hol kul benwu lem blóng yóm kul dumu.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Malakay 4:3

Sok deng hto yóm dou buteng tmóbóng kuy, laen dù bud gmò le bélê ye yó kem tau mò sidek, lómón ke olo le kfung demket laan hólól ti ye,” udél yóm Dwata laen dù là gbeken du.

Sikaraya 14:18

Ke là móyô le mógów ebè Jirusalim yó kem tau Idyip, angat wen des mit hatay heglumfak Dwata kul lómón yóm des heglumfak Dwata yó kem dumu benwu là mung du yóm Kehligal bè Slung.