Mika 5:3 - Udél Dwata: Gna Kesfasad ne Lomi Kesfasad

³ Yó kem tau Israél, angat tódô bayà Dwata lu elem hólól yó kem hohon le efet kól bè yóm kdaw wen libun kmuleng blututen ne mngà logi. Ominen yó lemwót yó kem tau Israél deng negef le mayuk, tódô le bud mulék ebè yóm hol kul benwu lem blóng yóm kul dumu.

Mika 5:3 Referans Kwoze

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Mika 4:7

Yó kem tau tugô tehe negef le yó, angat nmou lu kem tau dù tebel. Angat tey kehbólu kul, lelu bud hbegel kbenwu le. Ominen ou yóm angat mogot kul bè Bulul Sayun ne laen kô dù tul sónen yóm kogotu kul.”

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Husiya 2:14

Yó bud udél Dwata, monen, “Okóm ni, naw bud n-goy sulék, nwitu etu bè yóm benwu là hyu menwu du, naw bud hninggel stulón du.

Husiya 2:9

Yó gónóm mon bud nwahu yóm halay ne tifas grép tehe gel blayu du ket halay. Bud nwahu snéen yóm nes nmoen gu bè bul ubiha ne yóm nes bukay alì mebtes tehe gel blayu du mò nesen.

Sulat Pol Ebè Yó Kem Tau Hemtahu Bè Rom 8:29

Lu se tu kem tau deng tehe eles néléken ne hetfingen mò heskélen bè yóm Ngaen. Yó gónón mò du yóm yó anì hol dê dumuhen setwoli yóm Ngaen twogu.

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Matyu 12:50

Abay se yóm tau mimón yóm kun kóyô Mà bè longit, hol lómón ke twolihu ne libunu ne yéu.”

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

2 Tutul Israél 30:7

Bê ye mkél bè yó kem fù ye ne bè yó kem dumu ye, deng mom tebel le Dwata yóm Dwata yó kem tehe fù le, ne deng tey ktafak Dwata kul, lómón yóm deng ton ye ni.

1 Bok Kem Tau Hol Geta 14:16

Angat tódô bayà Dwata lu yó kem tau Israél lemwót bè yóm salà deng nmò Jirubuam, ne yóm deng kwiten kul mò salà yóm kdéen tau Israél.”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Mika 5:7

Ominen lemwót yó kem dù mowil bè yó kem tau Israél menwu lem blóng yó kem tólóng benwu, hol lómón kmò le ke amù hwit Dwata ebè yó kem dumu tau, duhen ke kulón mò hméfê bnes. Són Dwata snalig le, là kô le smalig bè tau.

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Kem Lingón 67:3

Yake hol dóyón le uu, Dwata, yó kem tau. Yake kdéen tau bè klamangen benwu gotu dmóyón kóm.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Mika 4:4

Tódô sotu kun htinof bè yóm kun gónó hmulu grép ne kun gónó mulu koyu fig ne laen kô dù bud knikò le. Ni se deng fasad yóm sana Dwata laen dù là gbeken du.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.