Mika 5:2 - Udél Dwata: Gna Kesfasad ne Lomi Kesfasad

² Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Mika 5:2 Referans Kwoze

Matyu 2:6

‘Nim Bitlihim, sotu benwu udì glem bè yóm kun benwu Juda. Balù yóm tey kudien, là kóen na a glaan bè yó kem syudad bè yó, yakà bè nim benwu udì ni gónón sut yóm tau mò malak yó kem dou tau Israél.’ ”

Kun Snulat Jan 7:42

Deng monen bè Sulat Dwata, semfu gu bè yóm tehe Dabid ne bè Bitlihim gónón sut, bè yóm tehe kun benwu Dabid.”Tey wen kesgólól nawa le yó kem tey tau wen bè yó, abay se là ssotu kehedem le ebè Jisas.

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Kulasi 1:17

Gu laanen là deng wen ni kem ni, deng sana kem yó ne ke Krays kun. Ne kdê yó kem deng dlimunen, tódô seflós tendo kogoten kul.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

1 Samwél 17:12

Yóm Dabid ngà Jisi. Yóm Jisi sotu tau semfu gu bè yóm tehe Ifraim ne nô bè Bitlihim yóm benwu glem lem Juda. Wen wolu ngaen logi ne bè yóm kogot Sol bè Israél deng tey tuha ne kun ke Jisi.

Tekang Kbuten 48:7

Yó gónóhu mò du nim ni abay se lemwót bè yóm yéem Rakél. Tey klangagu du bè yóm katayen bè Kanan bè yóm kulék me gu bè Misuputamya. Deng me moni bè Ifrat ne yóm katayen. Tódô lebengu bè yó bè kilil lan mógów ebè Ifrat.” Yóm benwu Ifrat yó, yó se Bitlihim nim kmoen ni.

1 Jan 1:1

Yó gónóhu smulat ebélê ye ni, abay se tulónu kuy yóm Jisas Krays, yóm bnoluy le Udél Hlowil Tau. Gu laanen là deng wen benwu he, deng sana kem yó ne kun. Ne deng na me hol gungol udélen, ne deng hol kum mata se mton du yóm lówóhen ne deng nogot me snéen.

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Rut 4:11

Ne mon yó kem tuha ne kem dumu tau hmungol du, “El, mi se deng gemtanud du. Dwata he hol hból lówóhen yóm libun yehenem lómón yóm tehe kehbólen lówó le Rakél ne Liya yó kem libun alì wen ngà Jakub bélê le. Balingi kwasa he lem blóng yó kem kóm kwen kem tau semfu bè Ifrat ne balingi tótól he bè ni bè Bitlihim.

Tekang Kbuten 35:19

Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.

Hibru 7:14

Bong bè yóm gónó tekuy mogot, tódô kdéen tau se temngón du yóm kesfuhen gu bè Juda. Bè yóm tehe gel kehlau Musis yó kem tau mò blóng le ebè Dwata ekni, laen kô dù monen bè yó kem kun sfu Juda.

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Jirimaya 30:21

Yóm tau malak kul lemwót bè kul kwen, là kô tólóng tau du. Tinoku yóm tau yó anì hloni ebéléu, mon Dwata. Ke là lemwóten bè yóm ktinoku du, laen kô dù tau mlos hloni ebéléu.

Isaya 53:2

Bè yóm kenoken lem blóng me yóm tau tóbóng lówó Dwata yó, hol lómón yóm ngà hulu tmowok bè yóm gónón alì mékéng tonok. Laen dù kegeta ton me béléen, duhen ke wen ktiloben mò kenteng mata tau béléen. Laen dù bang alì hentaw me béléen mò gónón gmung nawa me.

1 Samwél 10:19

Okóm ni, deng mom kenbê ye o yóm kuy Dwata, yóm deng lemwà kuy bè yó kem gónó ye glayam ne bè yó kem gónón mgel bélê ye. Deng mom mon ye, ‘Là. Hyu ke wen tau hol geta bélê me.’ Duhen ni, mdà ye bè solu Dwata mlan bè ket tbong ye ne bè ket ktol ye.”

Kun Snulat Luk 23:38

Hyu wen se snulat le dket le senta kuluhen, yó monen, “Ni se yóm tau hol geta bè yó kem Ju.”

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Kehewà 18:21

Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Deng Hegfan 21:6

Ne bud monen mò do, “Deng gotu deng ne kdéen. Ou se yóm hol buten ne bud sónen. Bud ou se yóm gónón mbut yóm kdéen, ne ou se yóm bud mò sónen. Yóm tau meeng, angat hinumu bè yóm tbul él gónón mowil tau, yóm él là kô feng benli du.

Deng Hegfan 2:8

“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,

Kem Lingón 132:6

Deng gungol me nô bè benwu Ifrata yóm Slungan Fasad, ne ditu bè tonok Jaar gónó me mton du.

1 Samwél 23:23

Senket tenngel ye yóm kdê gónón gel hebnos ne bud ye semfulék edini ke deng hol gtukul ye gónón nô anì munge kuy. Ke tolo nô bè yóm benwu yó tódô lenngebu klamang Juda mebel du.”

1 Samwél 17:18

Bud nwitem se nim sfolò botu tsis nii ebè yóm kmandér le ne hnénégem ke tedu kmò yó kem twoguhem ne yake wen sulat nwitem gu bélê le mò gónów temngón du ke laen dù hemen le.”

1 Samwél 8:12

Wen se bélê le néléken mò malak lemibu tau ne wen se mò malak limu folò tau. Wen se bélê le mò hdaduhen bè tonoken ne wen se mò hutahen. Lemwót yó kem dumu, fen hmoen lu suk nit sfatay ne dumuhen fen hmoen ngom yóm klitun tók nit bè gida.

Kehewà 18:25

ne wen kem tau hulung malak néléken bè yó kem tau Israél. Wen néléken mò malak bè lemibu tau ne wen se néléken mò malak bè lematu tau ne wen se mò malak bè limu folò tau ne wen se bè sfolò tau.

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Tekang Kbuten 35:16

Kewót le Jakub bè yó bè Bétél ne yó kem fes lówóhen, hlós le ebè Ifrat. Bè yóm igò le tolo mayuk bè Ifrat he, kmuleng blutut Rakél ne mima yóm ksut blututen.

Rut 1:1

Tehe yu ekni, bè yóm kdaw là deng wen tau hol geta mogot bè Israél he, wen tey bitil bong bè yóm benwu yó. Wen sotu tau boluyen Ilimélék nô bè yó, semfu gu bè yóm tehe Ifrat. Nim Ilimélék ni, menwu bè Bitlihim yóm benwu snakuf Juda. Yó boluy yehenen, Numi. Ne wen lewu ngà le logi duhen le Malun ne Kilyun. Yó nmò le, mili le ebè yóm sotu benwu boluyen Muab na le e hlun menwu ditu, bà mon yóm tey bitil bong bè Bitlihim. Bè yóm deng knô le ditu

Isaya 55:4

Deng tehe nmou Dabid mò tau malak kem dumuhen ne baling sotu tau hol geta mò malak yó kem tau bè dumu benwu. Mlan béléen gónóhu hegfan du bélê le yóm kfasangu.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Mika 4:10

Ó kem tau bè Jirusalim, hol ye mngawóy dé lómón yóm libun kmuleng blututen, abay se deng bang ktebel ye du ne yóm syudad ni, ditu gónó ye bud kmamfù bè yó kem lan. Angat negef le yu etu bè benwu Babilun. Okóm bè yó gónó Dwata bud lemwà kuy gu lem hólól yó kem hohon ye, ne bè yó bud gónón msok kuy.