Mika 5:15 - Udél Dwata: Gna Kesfasad ne Lomi Kesfasad

¹⁵ Koku eta yó kem benwu là mimón dou yóm sidek alì kebutu kul mò balau kul.”

Mika 5:15 Referans Kwoze

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Kem Lingón 149:7

anì bneles le yó kem dumu benwu hmohon kul, ne tnafak le yó kem tau nô lemen.

Isaya 1:24

Duhen yó, hol hnungol ye yóm udél yóm Dwata hol gónó mogot yóm Dwata laen dù là gbeken du, yóm Dwata kem tau Israél yóm alì mfasang. Yó monen, “Angat bnelesu yu, yu kem tau deng hmohon do ne là bud gehlala ye do ne.

Mika 6:1

Ni hol hnungol ye yóm udél Dwata ebè yó kem tau Israél, monen, “Yó kun tulón ye yóm tifù ye dou. Hfungol tekuy yó kem bulul lembang ne hfungol tekuy yó kem bulul lemnek yóm udél ye.