Mika 5:13 - Udél Dwata: Gna Kesfasad ne Lomi Kesfasad

¹³ Angat gotu genbau yó kem dwata lennged ye ne yó kem hehek botu deng hetfing ye mò gónó ye tmaba ebélê le. Là kô ye bud gtaba ebè yó kem dwata kéng nmò tdok ye.

Mika 5:13 Referans Kwoze

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Husiya 14:8

Ó Israél, hol ye hlayuk bè yó kem dwata kéng. Ou se yóm tendo tmanud kuy ne semgifà kuy. Hol lómón ke ou yóm koyu senflósen lemnaw dounen. Ne senflósu bemlay kuy yó kem tey bunguhen.”

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Isikél 37:23

Là bud nmò le du yóm là mólósen ke tmaba le ebè yó kem dwata kéng ne ke nmò le yó kem dumu sidek tehe gel nmò le, yakà angat lenwau kul bè yóm gónó le gel teklé. Nolobu lu. Omin le yó he baling mò dou tau ne ou se mò kul Dwata.

Isaya 2:8

Ne tódô tfeng benwu le yó kem dwata lennged, gotu le tmaba ebè yó kem dwata lenbù nmò tdok le.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Nahum 1:14

Yó bud udél yóm sana Dwata hol gónó mogot ebè yó kem tau Asirya nô bè Ninibi, monen, “Laen dù bud ngà ye ne mò bud mit yóm kuy boluy. Angat gotu genbau yó kem dwata kéng nô lem yóm gónô gónó ye gel tmaba ebélê le. Deng eles hokolu sol ye abay se hono sidek yóm gel nmò ye ne là kô hyu hlowil kuy.”

Sifanaya 1:4

“Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.