Mika 5:12 - Udél Dwata: Gna Kesfasad ne Lomi Kesfasad

¹² Nmou són le yóm kdéen mton bù ne laen dù bud tau hemgawang gónó ye bud smólók.

Mika 5:12 Referans Kwoze

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Dwata 18:14

Omin Musis bud mon du, “Yó kem tau nô ta yóm tonok móyón nfun ye, gel lolò le udél yó kem tau gel mimò ne yó kem tau hulung hemgawang. Okóm bélê ye kuy, là kóen móyô yóm sana kuy Dwata hol gónó mogot ke nmò ye yóm yó.

Isaya 44:17

Bede yó muhen du yóm sfu yóm koyuhen, nmoen dwata mò gónón gel tmaba. Tuden bukolen bè soluhen ominen tmaba ebéléen, monen, “Uu se yóm dou dwata, hol lenwaem ou.”

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Sikaraya 13:1

Yó udél yóm Dwata laen dù là gbeken du, monen, “Bè yóm kdaw yó, angat wen sfut él mò gónó le molob yó kem sfu Dabid ne yó kem dumu tau bè Jirusalim, anì hol mkó bélê le kdê yó kem salà le ne yó kem dumu là mólósen bélê le.