Mika 5:10 - Udél Dwata: Gna Kesfasad ne Lomi Kesfasad

¹⁰ “Okóm bè yóm kdaw yó,” yó udél Dwata ebè yó kem kun tau, monen, “angat gotu genlau yó kem kudà gel nwit ye bè gida ne gotu genbau yó kem klitun tók gel dyol le.

Mika 5:10 Referans Kwoze

Sikaraya 9:10

Bud mon Dwata, Angat gotu kóhu bè benwu Israél yó kem klitun tók gel nwit le sgida ne angat kóhu bè Jirusalim yó kem kudà gel nwit le ebè gida ne angat gotu genbau yó kem ngom sfatay gel nwit le ebè gida. Yóm tau angat geta bélê ye, du se mit kenek kbenwu bè klamangen. Yó klamang nogoten, tódô lenngeben klamang benwu ne bud lenwóten bè Él Yufratis efet kól bè són tonok.

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Husiya 1:7

Okóm yó kem tau bè Juda, angat hegfanu bélê le yóm kkoduhu kul. Tódô ou angat lemwà kul lem tdok yó kem hohon le, bede là mlanen bè gida ne là mlanen bè boho le duhen ke bè sudeng le. Là mlanen bè yó kem tey kudà le duhen ke bè yó kem sendalù smakay kudà, bede mlan bè yóm dou kfasang yóm sana kul Dwata hol gónó mogot.”

Jirimaya 3:23

Yóm gel ktaba me ebè yó kem dwata kéng ne yóm kessamuk me gu ta yóm kdéen bulul, hono là hyuhen. Tek són bè yóm sana kum Dwata hol gónó mogot gónó me gewà.

Isaya 2:7

Tey wen blówón bukay le ne tahu blówón le ne là kô gsóhem du yó kem kendengen deng henyu le. Tey kudà wen bè benwu le ne là kô gsóhem du yó kem klitun gel nwit le sgida.

Dwata 17:16

Yóm tau nélék ye, hyu ke là hwenen du kem kudaen mò snakay yó kem sendaluen ne là se hyuhen ke wen tau hógówen mò na a bemli kudà bè Idyip, abay se deng tehe mon Dwata mò kuy hol bê ye abay bud mulék ebè Idyip.

Hagay 2:22

Angat genbau yó kem dumu benwu ne nmou sónen yóm kfasang le. Gotu hensideku yó kem klitun gel nit le sgida ne yó kem tau gel mit kul. Ne gotu matay yó kem kudà le ne yó kem tau tehe smakay kul, gotu le matay lan le tódô sfatay honon lu.