Mika 5:1 - Udél Dwata: Gna Kesfasad ne Lomi Kesfasad

¹ Ó kem tau bè Jirusalim, gotu sentifun ye lu yó kem sendalù ye. Deng snibut le tekuy yó kem hohon tekuy. Wen tuged nogot le mò bogul le lem uyó yóm tau malak bè Israél.

Mika 5:1 Referans Kwoze

2 Kurin 11:20

Ngem yó dé botong kehbala ye, tódô kem nimón ye yóm tau gel mdók kuy. Baluen ke wen hni le bélê ye, tódô blay ye kul. Baluen ke gholot ye bélê le, duhen ke henwog le yu, duhen ke tenfê le yu, tódô kem henbala ye snéen.

Kul Nmò 23:2

Bè yóm kungol Ananiyas, yóm tau hol geta bè yó kem gel demsù ebè Dwata, yóm udél Pol yó, botong monen ebè yó kem tau mdà klohok Pol, “Hol tnufê ye sumóngen dé.”

Kun Snulat Jan 19:3

Hloni le ebéléen, ne mon le, “Ni sii yóm tau hol geta bè yó kem Ju. Yake hol tahà klowilen.” Lel le temfê lem uyóhen.

Kun Snulat Jan 18:22

Bè yóm kbalà Jisas ke Anas yó koni, sotu bè yó kem tau gel mentey temfê ke Jisas bè hifihen, monen, “Yó kô kbalaem du yóm hol geta bè yó kem gel demsù ebè Dwata?”

Matyu 26:67

Nbut le bè yó ne tendo hemsidek ke Jisas. Gotu sendulak le lem uyóhen, ne sensuntuk le, lel le semtfê du,

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Matyu 27:30

Lel le semdulak du, bud na le yóm fes hogot le du, bud sensulit fes le te kuluhen.

Matyu 5:39

Okóm ni bud dou tulón kuy, bê te abay bneles ke wen hemsidek tekuy. Mom yó nmò tekuy, ke wen temfê kut bè hifi te, bud bayà te du dolihen.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.

Hbakuk 1:6

Wen tey kfasang blayu bè yó kem tau Babilun kem tau alì lóbô, balù udì ke wen kodu le kem dumu tau. Lu se angat gmida yóm klamangen benwu na le e nled yóm sundu kul du.

Amus 2:3

Ne genlau yóm tau hol geta bélê le gomong yóm kdê genlalen. Ou se Dwata nim mudél ni.”

Juwél 3:9

Ni se hol eles heglalag ye ebè klamangen benwu, mon ye, “Eles ye htifes bè yóm gida móyón sut. Sentifun ye yóm kdéen sendalù ye deng alì kemnalam bè gida. Hewót ye lu anì géhél le sundug.

Jirimaya 25:9

gotu sentifunu lu yóm kdéen sendalù lemwót bè yóm benwu fi bwak nogot Nibukadnisar bè Babilun, yóm deng néléku mò tóbóng lówóhu. Nwitu lu edini mò gmida bè ni bè Juda ne bè yó kem tauhen dalang se bè yó kem dumu benwu hmilol du. Gotu genlau yu gomong yó kem benwu hmilol kuy. Yó kem benwu yó, baling benwu knikò ne laen kô tul sónen yóm kegbaen.

Isaya 10:6

Hógówu Asirya mò na a mundug yó kem benwu laen dù bud klikò le do, yó kem tau alì hebut do. Hógówu lu mò na a megef ne mò na a mnagaw ne mò mdà kul elaan yó kem tau yó. Yó kmò le kul, hol lómón ke hitok bè lan.”

Isaya 8:9

Ó kem dumu tau bè tólóng benwu mayuk hol ye stifun, mung du klikò ye. Hnungol ye yu kem tau bè yó kem benwu yó, htifes ye ne mógów ye bè sfatay bede eles ye hol hlikò. Yó ne htifes ye bede eles ye hol hlikò.

2 Bok Kem Tau Hol Geta 24:2

Yó nmò Dwata, hwiten yó kem sendalù Babilun ne kem sendalù Aramiyan ne kem sendalù Muabayt ne kem sendalù Amunayt mò gembà yóm benwu Juda, hol lómón yóm tehe eles htulón Dwata yó kem tehe tugoden ekni, duhen yó kem tau tóbóng lówóhen.

1 Bok Kem Tau Hol Geta 22:24

Omin Sidikaya, ngà Kinaana, tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

Tekang Kbuten 35:19

Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

Kem Udél Hlalak Tehe Selumun 8:23

Gu laanen là deng wen benwu he deng sana yó ne nim ou.

Isaya 9:5

Angat gotu mlób bè ofi tlumfà yó kem sendalù tô gemlà kul yó. Ne yó kem nes le tódô tfeng litô, gotu mlób snéen.

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.