Mika 4:9 - Udél Dwata: Gna Kesfasad ne Lomi Kesfasad

⁹ Moen de ke alì ye dmumu mkik? Laen dù tau hol geta malak kuy kô? Deng le gotu matay kô yó kem tehe gel hmau kuy? Yó kô but gónón alì sidek kegnóm ye du lómón yóm libun kmuleng blututen?

Mika 4:9 Referans Kwoze

Jirimaya 8:19

Hol hnungolem dé yóm kik yó kem tauhu, botong gefet bè klamang yóm benwu me. Yó mon le, “Deng tahu tebel Dwata kô Jirusalim? Là buden nô bè yó ne kô, igoen du yóm hol geta bélê le?” Yó balà Dwata kul, monen, “Moen de ke alì hebut le ou yó kem tauhu bè yóm gel ktaba le ebè yó kem dwata kéng, dwata laen dù muhen?”

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Jirimaya 22:23

Ya tey kehyuhen yóm knóem lem yóm gónô bongem nmò le gu bè yó kem koyu sidar lemwót bè Libanun, okóm bè sónen angati mulék mkik ne mulék dmolong. Lómó ksidek kegnómem du lómón yóm libun kmuleng blututen.”

Isaya 26:17

Tehe tey klangat me bè yóm nmoem bélê me, Dwata, hol lómón klangat yóm libun kmuleng blututen.

Kun Snulat Jan 16:21

Hol lómón yóm libun sut blututen. Tey sidek kegnómen du yóm hanà lelen kmuleng yóm ngaen. Okóm ke deng sut yóm ngaen, klifóten ne yóm ksidek kegnómen du, ne bud hligal lemwót bè yóm ngà lomi sut lem benwu.

Deng Hegfan 12:2

Uma kóm mlutut yóm libun yó, ne tódô kmuleng se yóm bnututen, ya tey langaten bè yóm kkulengen.

Husiya 13:13

Deng wen lan le bud mowil yó kem tau Israél, okóm là móyô le du. Tey le nungel. Hol le mkél bè yóm ngà móyón sut gu lem blutut yéen, là dogen gewà gu lem balayen.

Mika 5:3

Yó kem tau Israél, angat tódô bayà Dwata lu elem hólól yó kem hohon le efet kól bè yóm kdaw wen libun kmuleng blututen ne mngà logi. Ominen yó lemwót yó kem tau Israél deng negef le mayuk, tódô le bud mulék ebè yóm hol kul benwu lem blóng yóm kul dumu.

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.