Mika 4:8 - Udél Dwata: Gna Kesfasad ne Lomi Kesfasad8 Ne uu Jirusalim, yóm benwu gónó Dwata tendo mentey yó kem kun tau, angat bud mulék ebéléem yóm tehe któtólem ne yóm tehe kfasangem. Ne bud uu se hol yê yó kem syudadem ne béléem gónón nô yóm tau mogot yó kem dou tau. Gade chapit la |
Bud mon Dwata, Angat gotu kóhu bè benwu Israél yó kem klitun tók gel nwit le sgida ne angat kóhu bè Jirusalim yó kem kudà gel nwit le ebè gida ne angat gotu genbau yó kem ngom sfatay gel nwit le ebè gida. Yóm tau angat geta bélê ye, du se mit kenek kbenwu bè klamangen. Yó klamang nogoten, tódô lenngeben klamang benwu ne bud lenwóten bè Él Yufratis efet kól bè són tonok.
Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.
Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.
“Ni hnungol ye,” mon Jisas, “wen bud sotu hningónu bélê ye. Wen sotu tau lamang huluhen yóm sotu kay mungu boluyen grép, ne lenabaten gu hilolen. Ne ominen mò yóm angat gónó le kemmes élen, ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen, ominen lemwót milo ebè yóm sotu benwu.
Hyu senbwólen yóm tonoken ne gotu kóhen yó kem botuhen. Ne wen tinu grép alì hyu huluhen bè yó. Ne wen se gónô geta hdaen bè yó mò gónó le nô yó kem tau mentey du. Ne eles wen sol nmoen bè botu mò gónón smóyów mdà yó kem bungu grépen. Ominen yó mangat yóm klélélen. Okóm bè yóm deng kutahen du mom hono msom.
Yó bud udél Dwata ebélê le, monen mò kul, “Okóm yu kem dù tebel bè yó kem tau Israél, hulin kdaw gotu bud sentifunu yu. Gotu bud nwitu yu semfulék lómón yó kem ubiha bud mulék ebè yóm hol kul gónó nô ne lómón yó kem ógóf bud mótób bè yóm hol kul gónó mótób. Yóm benwu ye, angat tey bud genged tauhen.”