Biblia Todo Logo
Bib sou entènèt

- Piblisite -




Mika 4:6 - Udél Dwata: Gna Kesfasad ne Lomi Kesfasad

6 Yó udél Dwata, monen, “Bè yóm kdaw yó, angat gotu bud sentifunu lu yó kem dou tau deng tugô, duhen yó kem tau deng tehe negef le lemwót bè yóm ktafaku kul.

Gade chapit la Kopi




Mika 4:6
16 Referans Kwoze  

Bè yóm kdaw yó, tey angat sidek ktafaku kul yó kem tau gel hemgnok kuy. Lenwau yó kem tugô bélê ye ne gotu bud sentifunu yó kem tauhu deng sekla. Kóhu bélê le yóm tehe kyak le, tlesu du yóm gónó le megdóyón. Angat tey kadat le kul bè klamang yóm benwu tehe gónó le myak.


Wen he yó kem dumu ubihahu là deng sentifunu kul ebè ni. Angat gotu nitu lu snéen ne angat hnungol le yóm dou udél. Tódô angat sensotuhu bung le yóm kdê ubihahu, ne tek sotuhu se yóm angat semgyok kul.”


Bud hefdà Dwata Jirusalim, ne bud niten lu semfulék ebè benwu Israél yó kem tau deng tehe negef.


Ni se yóm hol henduf yóm Ngà Tau,” mon Jisas, “nan e hnebel lu yó kem tau deng tlas anì gewà le lem salà le.”


Yó bud udél Dwata ebélê le, monen mò kul, “Okóm yu kem dù tebel bè yó kem tau Israél, hulin kdaw gotu bud sentifunu yu. Gotu bud nwitu yu semfulék lómón yó kem ubiha bud mulék ebè yóm hol kul gónó nô ne lómón yó kem ógóf bud mótób bè yóm hol kul gónó mótób. Yóm benwu ye, angat tey bud genged tauhen.”


Ni se angat nmou, gotu bud sentifunu yu gu bè yó kem benwu deng gónóhu e semkla kuy ne nwitu yu semfulék ebè yóm hol kuy benwu.


Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.


Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.


Móyóne matay, senflósu gemnóm du yóm ketduken.


Swiv nou:

Piblisite


Piblisite