Mika 4:4 - Udél Dwata: Gna Kesfasad ne Lomi Kesfasad

⁴ Tódô sotu kun htinof bè yóm kun gónó hmulu grép ne kun gónó mulu koyu fig ne laen kô dù bud knikò le. Ni se deng fasad yóm sana Dwata laen dù là gbeken du.

Mika 4:4 Referans Kwoze

Sikaraya 3:10

Bè yóm kdaw yó, tódô sotu kun tminok ebè yóm kun dumu sebét na le e hligal, hnigal le yóm kenek kbenwu le ne yóm kehyu klowil le, udél yóm Dwata laen dù là gbeken du.”

1 Bok Kem Tau Hol Geta 4:25

Bè yóm klawi Selumun mogot benwu, tey menek kbenwu le yó kem tau bè Juda ne kem tau bè Israél. Lenwóten bè benwu Dan hol fi bwak efet kól etu bè Birsiba yóm benwu hol fi leged. Ket kmuleng wen mdengen gónó le nô ne gónó le mò hulu.

Isaya 1:20

Okóm ke là nimón ye dou angat ye matay bè suk. Ou se Dwata nim mudél ni yóm Dwata hol gónó mogot.”

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Isikél 34:28

Là bud hnamfas le kul ne yó kem tólóng benwu, dalang se yó kem ógóf lem bnes là bud nsék le kul. Angat tey menek kbenwu le, laen dù bud hmikò kul.

Isaya 58:14

Ke yó se nmò ye, angat ton ye yóm kligal lemwót bè yóm kimón ye dou. Lemwót béléu angat gónó le madat kuy yó kem tau bè klamangen benwu ne angat tey kehyu nawa ye du yóm tonok tehe blayu yóm fù ye Jakub. Ou se yóm Dwata hol gónó mogot mudél du nim ni.”

Isaya 40:5

Ominen yó he gfan yóm tey kegeta Dwata ne tódô kdéen tau angat gotu mton du. Ni se yóm deng fasad Dwata tekuy.”

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Kem Lingón 72:3

Yó hnihu béléem, Dwata, anì tilob kógów klowil le yóm kdéen tau knamalen, ne anì tedeng yóm kukum lem blóng le.

Isaya 36:16

Hol bê ye abay hnungol Hisikaya.’ Yó udélen ebélê ye yóm tau hol geta bè Asirya, hol ye géhél hewà gu lem yóm syudad ye na ye e heglaan béléen. Ke ni se nmò ye, angat bud gken ye he bungu yó kem grép ne yó kem bungu fig ye. Ne angat bud ginum ye yóm sana kuy él lemwót bè kuy kokol

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

1 Bok Kem Tau Hol Geta 5:5

Ne yó gónón hol nô bè nawaw hemdà du yóm Gónô Dwata mò mit du yóm kun boluy yóm sana do Dwata hol gónó mogot, lómón yóm deng hloloen ke mà, yakà deng mon Dwata du mò du, ‘Yóm ngaem logi mò tlesu kóm bè yóm gónóm myón kmamal, du fen hemdà du yóm dou Gónô mò mit du yóm dou boluy.’

Kem Udél Hlalak Tehe Selumun 3:25

Béi hlikò bè yóm knikò mekto ksuten duhen yóm kgefet yóm keglà yó kem tau mò sidek.

Isaya 32:17

Lemwót bè yóm kmò le tedeng yóm kdê le, angat tey menek kbenwu le ne laen kô dù tul sónen yóm klaen dù knikò le.

Jirimaya 23:4

Angat wen kem tau snaligu mò malak kul. Laen kô dù bud knikò le ne yó kem dou tau ne laen se dù lana bélê le balù sotu,” mon Dwata.

Mika 5:3

Yó kem tau Israél, angat tódô bayà Dwata lu elem hólól yó kem hohon le efet kól bè yóm kdaw wen libun kmuleng blututen ne mngà logi. Ominen yó lemwót yó kem tau Israél deng negef le mayuk, tódô le bud mulék ebè yóm hol kul benwu lem blóng yóm kul dumu.

Sifanaya 3:13

Yó kem dù tau Israél tebel yó, là kô le mò sidek bè kem dumu le, là kô le mò kéng ne là kô le smukat. Tey menek klowil le ne menek ktungô le ne laen kô dù bud tau hmikò kul.”