Mika 4:2 - Udél Dwata: Gna Kesfasad ne Lomi Kesfasad

² Tey dê but tau angat mógów ebè yó, yó udél le, “Lemwót tekuy ne mneged eta yóm bulul Dwata, mógów tekuy etu bè Gónô yóm Dwata yó kem tau Israél. Bè yó gónón tmolok du tekuy yóm kun kóyô anì lolò tekuy yóm kun lan.” Abay se bè yó kem kdaw yó, lemwót bè Jirusalim yóm kun tolok Dwata ne yóm kun udél.

Mika 4:2 Referans Kwoze

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Jirimaya 31:6

Angat bud kól yóm kdawen angat bud tmaba yó kem tau mentey gu ta yó kem bulul lemnek bè Ifraim. Yó taba le, mon le, ‘Géhél ye ne mneged tekuy ebè Jirusalim, tmaba tekuy ebè yóm sana kut Dwata hol gónó mogot.’ ”

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Kem Lingón 25:12

Yóm tau wen klikoen ke Dwata, hegfan Dwata béléen yóm lan mò loloen.

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Mark 16:20

Kewót le se kul yó kem tau gel lemolò du, hetngón le bè klamangen yóm Tulón Hyu gbak ebè Jisas. Tey tendo gel któbóng Jisas kul yóm gónó le mogot, hlanen bè yó kem hentaw ton gel nmò le mò gónón hegfan yóm hol ktahu yóm tulón gel nwit le.]

Sikaraya 14:16

Ne yó kem dù tau mowil bè yó kem benwu hmohon yóm benwu Jirusalim, angat le mneged ebè Jirusalim bè ket halay na le e tmaba ebè yóm Hol Geta, duhen yóm Dwata laen dù là gbeken du ne mung le bè yóm Kehligal bè Slung.Yóm benwu là mnegeden ebè Jirusalim ne là tmabahen ebè yóm Hol Geta duhen yóm Dwata laen dù là gbeken du, laen dù kulón ebè benwu le.

Kul Nmò 13:42

Bè yóm bud kewót le Pol ne Barnabas bè yóm gónó le gel stifun yó, eles bud tinok le lu yó kem tau hmungol kul yó koni anì bud le tmolok bélê le ke bud hto yóm Kdaw Kehegnô.

Kun Snulat Jan 6:45

Wen snulat yó kem tehe gna tugod Dwata ekni, yó mon le, ‘Angat tolok Dwata kdéen tau.’ Yó se tau hmungol ke Mà ne wen dnalangen béléen,” mon Jisas, “yó se yóm tau mógów ebéléu.

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

Kem Lingón 110:2

Lemwót bè Sayun, angat hlamang Dwata yóm benwu nogotem. Angat uu mogot kul yó kem hohonem.

Kem Lingón 119:1

Hligal le kul yó kem tau laen dù belen le, yó kem tau lemolò du yóm hlau Dwata.

Kem Lingón 119:171

Hono udél dmóyón kóm yóm angat btang bè sumóngu, yakà deng tolokem du do yó kem hloloem kum.

Kem Lingón 122:1

Tey kehyu nawahu gemnóm du yóm kmon le du mò do, “Lemwót tekuy ne, mógów kuy ebè Gónô Dwata.”

Jirimaya 42:3

Hkoduhi kut bè yóm sana kut Dwata hol gónó mogot anì tngón me yóm kun kóyô bè yóm angat nmò me ne ke tedu gónó me e solu.”

Sikaraya 9:10

Bud mon Dwata, Angat gotu kóhu bè benwu Israél yó kem klitun tók gel nwit le sgida ne angat kóhu bè Jirusalim yó kem kudà gel nwit le ebè gida ne angat gotu genbau yó kem ngom sfatay gel nwit le ebè gida. Yóm tau angat geta bélê ye, du se mit kenek kbenwu bè klamangen. Yó klamang nogoten, tódô lenngeben klamang benwu ne bud lenwóten bè Él Yufratis efet kól bè són tonok.