Mika 4:12 - Udél Dwata: Gna Kesfasad ne Lomi Kesfasad

¹² Okóm yó kem tau mon du yó, là kô tngón le du yóm nô lem hendem Dwata. Là tngón le du yóm kun atul, duhen yóm deng gotu kestifunen kul anì tnafaken lu, lómón yóm halay deng eles nwit le ebè yóm gónó le kmusu du.

Mika 4:12 Referans Kwoze

Isaya 55:8

Yó udélen, “Yóm dou kehedem, là mkélen bè yóm kuy kehedem. Ne yóm dou kmò, là mkélen bè yóm kuy kmò.

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.

Kun Snulat Luk 3:17

Hol lómón ke eles wen teef nwiten mò gónóhen tmeef du yóm angat knusuhen, ne otunen eta fol yó kem osoken. Lemwót yóm kafahen, ntemen. Ne yóm ofi gónón mtem du yó, ofi laen kô dù tul katayen.”

Kem Lingón 147:19

Deng hetngónen ke Jakub yóm udélen, ne bè kem tau Israél gónón hetngón du yó kem hlauhen ne yó kem dumu hloloen kul.

Kem Lingón 147:20

Laen dù dumu tau bè kem dumu benwu gónón mò du nim ni. Là kô tngón le du kul yó kem hlauhen. Hol dóyón tekuy Dwata.

Isaya 10:7

Okóm yóm tau hol geta bè Asirya yó, deng eles wen tey sidek atulen se kun. Yó atulen, gotu tô genlaen yó kem dumu benwu.

Juwél 3:2

angat gotu sentifunu yóm kdéen sendalù bè klamangen benwu ditu bè Datal Jihusafat. Ditu gónóhu tmafak kul lemwót bè yóm deng kehsidek le yó kem tauhu Israél, abay se deng gotu senkla le lu ebè tólóng benwu, lel le deng gotu semsólól yóm tonok bè Israél, yóm dou tonok.