Mika 3:8 - Udél Dwata: Gna Kesfasad ne Lomi Kesfasad

⁸ Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Mika 3:8 Referans Kwoze

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

1 Kurin 2:4

Bè yóm tehe kmò ktoloku lem blóng ye, dalang se yó kem tehe gel tulónu kuy, là kô hlanu du bè khulung tau mudél. Okóm tódô lemwót bè kun kfasang yóm Tulus Dwata gónó ye dmilô du yóm hol ktahuhen yóm tulónu kuy yó.

Job 32:18

Là gbeku du ke là mudéle. Là bud gbeku mafas yó kem tô monu.

Matyu 7:29

abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Isikél 3:14

Nkayen o yóm Tulus Dwata, ominen mit do. Tey sidek kegnómu du yóm kwiten do yó lemwót bè yóm deng gungolu ne yóm tey khééten yóm hmoen do. Okóm yóm Dwata, tey mbegel kogoten do.

Jirimaya 20:9

Okóm ke monu tódô klifótu ne Dwata ne laen dù bud tulónu mlan bè boluyen. Yó mò do yóm udélem bnosu lem hendemu, hol lómón ke ofi mken lem but blututu ne mken lem tiolu. Là bud gafasu du ne ke là tulónu du yóm htugodem dou.

Jirimaya 1:18

Yó nmou béléem kemdaw ni, hol lómón ke uu yóm syudad alì mbegel, bala tók heheken ne tembaga bengen, là gbek le gembà du. Laen dù bè yó kem tau hol geta mogot yóm benwu Juda ne bè yó kem genlal le ne bè yó kem tau gel blóng ebéléu, duhen ke bè yóm kdéen tau bè Juda ke gembek kóm.

Jirimaya 6:11

Yóm kebutem kul, Dwata bud gnómu snéen dou, là gbeku du ke là benkasu du bélê le.” Ne yó bud udél Dwata ebéléu, monen, “Gotu sulék kokem eta yó kem tau bè Jirusalim yóm tey kebutu kul, balù yó kem ngà le là mdengen bè lan, dalang se yó kem logi lomi lemnok tolo sbung, kkólen bè yó kem tau syehen ne yó kem tuha bélê le, gotu sulék kokem eta le.

Mark 3:17

Jim ne yóm twolihen Jan (kem ngà Sibidi. Yó iba Jisas kul, Buanirgis. Yó lanen, “Kem Ngà Lugung.”)

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 61:2

Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.