Mika 3:7 - Udél Dwata: Gna Kesfasad ne Lomi Kesfasad

⁷ Ke wen tau tô tmulón yóm angat sut, angat tey sidek kyaken bè yóm là kdohò yóm tulónen. Tódô le gotu myak abay se là bnalà Dwata kul.”

Mika 3:7 Referans Kwoze

Sikaraya 13:4

Bè yóm kdaw yó, ket tau tmugod bè dwata kéng, sal bud mulék myak du bè yóm bud tulónen. Là bud leseken du ne yóm nes gel lesek yóm tugod Dwata tehe gel leseken, mò smukat kem dumun.

Isaya 44:25

Yó kem tau gel temngel ulét hólól, gel hegfanu yóm kul ungel. Yó kem tau gel hen-gawang le kógów blotik, gel hensengu yóm dê gel tulón le. Yó kem tau alì geta hennagì le, gotu gel hegfanu yóm klaen dù gónón e kól yóm kul ketngón.

Amus 8:11

Yó bud udél yóm Dwata hol dandónen geta, monen, “Là gbeken du ke là dohoen yóm kdaw kehbelu bitil bong lem nim benwu ni. Là kô bitil bè ken du ne là kô bè kleeng du, okóm bitil ye bè udél Dwata.

1 Samwél 28:6

Snólóken bè Dwata ke tedu nmoen, okóm là kô bnalà Dwata du balù bè knahen, duhen ke hlanen bè atù, duhen ke hlanen bè yó kem tugoden, là kô bnalà Dwata du.

Kem Lingón 74:9

Laen dù ton me mò ilô yóm kehewaem kum. Laen dù bud tugodem tebel lem blóng me. Laen dù bélê me temngón du ke kilón kdengen nim glumfak me ni.

1 Samwél 28:15

Ne yó udél Samwél ebè Sol, monen, “Moen du ke hnala tnabahem o?” Mon Sol se, “Wen tey gfau. Mit le sfatay bélê me yó kem Flistin ne deng tnagak Dwata o ne là kô bnalaen do ke hlanen bè yó kem tugoden duhen ke bè kna. Yó gónóhu tmaba kóm anì tulónem do yóm nmou.”

1 Samwél 14:37

Tahu se, nahen smólók bè Dwata Sol, monen, “Nundug me lu kô yó kem Flistin? Angat blayem lu elem hólól yó kem tau Israél kô?” Okóm laen dù balà Dwata du bè yóm kdaw yó.

1 Samwél 9:9

(Bè yóm kdaw yó bè kem tau Israél, ke wen tô snólóken bè Dwata yóm sotu tau, yó gel monen, “Lemwót tekuy, mógów tekuy ebè yóm tau gel wen hton Dwata du.” Yó se tehe gel taba le yóm tau tugod Dwata.)

Kehewà 9:11

Yó kem tau demwata, là kô le bud hegfan ebè le Musis, bà mon tódô tfeng lówó le hisa lómón yóm kul hisa yó kem dumu tau Idyip.

Mika 3:4

Angat kól yóm kdaw ye hkodu mkik ebè Dwata, okóm là kô nan e bnalà kuy. Mom henbnosen yu lemwót bè yó kem sidek deng gel nmò ye.

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”