Mika 3:6 - Udél Dwata: Gna Kesfasad ne Lomi Kesfasad

⁶ Yó gónóm mon, kem tau tugod dwata kéng deng kmifu ne bélê ye, laen dù bud htonu kuy. Deng hol mget kkifuhen bélê ye, là bud gtulón nawa ye du yó kem angat sut elem hulin kdaw. Deng sdef ne kdaw bélê ye kem tugod dwata kéng ne móyón gesón yóm kuy kdaw.

Mika 3:6 Referans Kwoze

Isaya 59:10

Lómón tô me tau butô gel migóf mógów. Anien ke talak kemdaw sana ketlokob me, abay se mom kmifu bélê me, hol lómón kkifuhen yóm gónó le nô yó kem tau deng matay.

Jirimaya 15:9

Yóm libun ke deng gotu lana béléen yóm hitu kem ngaen logi botong là kóen bud temngón, ne là kóen bud gnawa. Baling kifu béléen igoen tolo mnóng kdaw. Tey sidek kyaken ne tey sidek kegbeng lemen. Yó kem dù mowil bélê ye, gotu hfatayu lu hlanu bè yó kem hohon ye. Ou se yóm sana Dwata hol gónó mogot nim mudél ni.”

Kem Lingón 74:9

Laen dù ton me mò ilô yóm kehewaem kum. Laen dù bud tugodem tebel lem blóng me. Laen dù bélê me temngón du ke kilón kdengen nim glumfak me ni.

Amus 8:11

Yó bud udél yóm Dwata hol dandónen geta, monen, “Là gbeken du ke là dohoen yóm kdaw kehbelu bitil bong lem nim benwu ni. Là kô bitil bè ken du ne là kô bè kleeng du, okóm bitil ye bè udél Dwata.

Mika 2:6

Yó mon le mò do yó kem tau, “Béi tmugod bélê me. Béem tulón kum yó kem sidek yó. Là kô heglumfak Dwata du kum yóm monem yó.”

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”