Mika 3:2 - Udél Dwata: Gna Kesfasad ne Lomi Kesfasad

² Okóm deng kenbê ye yóm tedeng, mom henlom nawa ye yóm sidek. Hol lómón ke nukét ye matak yó kem dou tau ne hnélé ye yóm unged bè tiol le.

Mika 3:2 Referans Kwoze

Kem Udél Hlalak Tehe Selumun 28:4

Yó kem tau là nimón le du yóm hlau Dwata mom dóyón le yó kem tau gel mò sidek, okóm ke nimón le yóm hlau Dwata kenbê le yóm tau gel mò sidek.

Kem Lingón 53:4

Yó snólók Dwata, monen, “Ni kem tau mò sidek ni, laen dù hendem le kô? Mowil le lan le mnagaw bè yó kem dou tau, ne là kô le móyô mni ebéléu.”

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

2 Tutul Israél 19:2

Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm.

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

2 Timuti 3:3

Yó alì mò kul, laen dù nawa le ebè kem dumu le, balù udì ke wen keskodu le, gel sentulón le kem dumu le, tey kosut nawa le, mahil le hlóbô, mom kenbê le yóm hyu.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Kun Snulat Jan 18:40

Deng le mom gotu hetê yó kem tau, mon le, “Béem hewà yóm tau yó. Barabas dé hewaem.” (Nim Barabas ni, sotu tau gel mulé udin.)

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kun Snulat Luk 19:14

Okóm wen kem kun dumu menwu kmutó nawa du nim tau na a ma glalen ni. Gloken wen kem tau hógów le huli du ebè yóm tau hol geta, mon le mò du, ‘Là móyô me du kum ke fen geta bélê me nim tau nii.’

Sifanaya 3:3

Yó kem genlal le, lómón kmò le yó kem liyun mngel mebel mò nsék le. Ne yó kem gel kmukum bélê le, lómón kmò le yó kem ógóf lóbô lem bnes alì sidek kbitilen ke deng kimel, yóm nséken balù udì ke wen tebelen du kól hlafus.

Isikél 34:3

Mom yu fen gel minum gatas le ne yóm nes ye nmò ye gu bè bul le. Gel nétê ye yóm ubiha alì mabù bè kdéen, okóm mom fen hbitil ye lu yó kem ubiha nalak ye.

Kem Lingón 15:4

Tey kenbéen se kun yó kem tau kenbê Dwata, okóm tey nadaten yó kem tau mimón ke Dwata. Ne sal gel dnohoen ke wen fasaden, balù nô keblaten béléen.

Mika 2:8

Ni se balaen kuy Dwata, monen, “Efet nim kmoen ni, hol lómón ke hohon ye o lemwót bè yóm gel nmò ye bè yó kem dou tau. Botong hnékét ye yó kem tau mius bè lan, gnaga nwa ye nes le yó kem tau deng smalig kuy. Yóm nmò ye yó, lómón nmò yóm sendalù gemmò bè gida.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.