Mika 3:11 - Udél Dwata: Gna Kesfasad ne Lomi Kesfasad

¹¹ Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Mika 3:11 Referans Kwoze

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Mika 3:5

Yó udél Dwata ebè yó kem tugod dwata kéng, monen, “Yu se deng mit kul tlas yó kem dou tau. Ke wen ken blay le kuy, fnasad ye lu kenek kbenwu, okóm bè yó kem tau laen dù blay le kuy, deng mom sidek kesbeweg ye kul.

Jirimaya 7:4

Hol bê ye abay snalig yóm udél yó kem tau gel mon du mò kuy lemwót bè yóm knóen lem blóng tekuy yóm Gónô Dwata, laen kô dù dumu tau hemsidek tekuy. Kéng yóm yó.

1 Pitér 5:2

Hol sen-gyok ye yó kem tau deng hesegyok Dwata kuy. Hol lómón ke ubiha le, ne yu yóm tau fen gel semgyok kul. Yó kun kóyô Dwata ke hol ye hligal bè yóm gel kesegyok ye kul. Hol bê ye abay nmò ke là lemwóten bè nawa ye. Hol bê ye abay nmò ke són hendem ye bè kguta ye filak. Song nmò ye ke lemwót bè yóm hol óyô ye tmóbóng kul bè kehtahu le.

Taytus 1:11

Tenflokem lu, abay se tey deng dê gmónô senbeweg le lan le gel tmolok yóm sekban. Yóm ktolok le yó, samut lan le mebel filak.

1 Samwél 8:3

Okóm ni kem ngaen ni, là kô lolò le du yóm kun kmò kkukum mà le. Són hendem le ke gmuta le filak. Gel nwa le ke wen blay le kul mò wa nawa le ne là tedeng kkukum le.

Lista 16:15

Tey sidek kebut Musis bè yóm kungolen du yóm mon le yó, botong monen mò ke Dwata, “Ó Dwata, hol béem abay henmóyô ke wen blay le kóm ni kem tau ni. Balù sotu bélê le ke deng wen sidek nmou bélê le. Ne balù sotu kudà asnu le ke deng tódô nwahu bélê le.”

Sulat Jud 1:11

Tey angat gfà le yó kem tmolok sekban abay se lolò le yóm tehe kun kmò sidek Kain ekni, hnatayen Abél yóm twolihen, ne yóm tehe kun nmò Balaam, móyô mò du yóm sidek anì wen filak gutahen. Ne sotuhen, mkél le bè yóm tehe katù Kura ke Musis ekni. Tódô genlà Dwata lu.

1 Timuti 3:3

là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

Amus 9:10

Tódô kdê yó kem tauhu tendo gel mò salà, angat le gotu matay bè sudeng. Lu se yó kem gel mon du, ‘Là kô wen gbunù tekuy.’ ”

Husiya 4:18

Yó gel nmò yó kem tau Israél, ke deng gotu deng kinum le, timu óyô le mebel libun mò snamuk le. Mom nóyô le yóm gónó le myak senta ke nadat tau lu.

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Sifanaya 3:3

Yó kem genlal le, lómón kmò le yó kem liyun mngel mebel mò nsék le. Ne yó kem gel kmukum bélê le, lómón kmò le yó kem ógóf lóbô lem bnes alì sidek kbitilen ke deng kimel, yóm nséken balù udì ke wen tebelen du kól hlafus.

Kem Udél Hlalak Tehe Selumun 17:23

Yóm tau gel mò sidek gel henmóyóen yóm kimu lifut blay le du anì nfihen yóm là tedengen.

Jirimaya 23:17

Yó gel tulón le bè yó kem tau gel kembê du yóm dou tulón, mon le, ‘Hono hyu yóm angat sut bè klowil ye.’ Ne wen bud tulón le bè yó kem tau senflós le mò sidek lemwót bè yóm kgel kulu le gel mon le mò kul, ‘Angat laen kô dù bang hemen ye se kuy.’

Jirimaya 26:7

Tahu se, lemwót yó kem tau gel blóng ebè Dwata ne yó kem tugod Dwata ne kdê yó kem dumu tau, gotu hnungol le yóm kdê udél Jirimaya bè lósól yóm Gónô Dwata.

Isikél 34:2

“Ó Tau Tonok, eles tugodem do yóm udélu ebè yó kem tau semgyok yó kem dou ubiha, duhen yó kem tau malak yó kem dou tau Israél. Tulónem kul yóm udélu, udél yóm sana Dwata hol dandónen geta, monem mò kul, Yu kem tau malak bè Israél, deng ye golu elem hatay ne. Són olo sen-gyok ye són yóm kuy knô, là kô dog olò sen-gyok ye kul yó kem dou ubiha nalak ye.

Husiya 4:8

Yó gónó le gel ma ken le yó kem tau gel blóng ebéléu ke sok le gemsalà yó kem tau abay se gel le mit ebélê le yóm dsù mò hkó salà le. Yó gónóm mon tey le hligal yó kem tau gel blóng ebéléu ke gemsalà yó kem tau.

Amus 5:14

Hol sen-galu ye mò du yóm tedeng, hlayuk ye bè yóm sidek anì mowil ye. Ke yó nmò ye, tahu nô bélê ye yóm sana Dwata hol gónó mogot, yóm Dwata laen dù là gbeken du, lómón yóm deng gel mon ye nim kmoen ni.

Malakay 2:9

“Duhen yó, lemwót bè nim deng nmò ye ni, angat heglaanu yu bè solu yóm kdéen tau Israél ne angat kenhisik le yu lemwót bè yóm là kimón ye yóm dou kóyô. Ke gel ye kmukum là tedengen, sal wen nfi ye,” udél Dwata ebè yó kem tau mò blóng tau ebéléen.

Lista 22:7

Tahu se, yó kem genlal bè yó kem tau Muab ne yó kem genlal bè yó kem tau Midyan lemwót le etu bè Balaam. Hyu wen nwit le mò bayad le du ke henmulaen yó kem tau Israél. Bè yóm kkól le ditu, tulón le ke Balaam yóm tinok Balak.

Sifanaya 3:4

Yó kem tugod dwata le, tey keheklabak le, là tahuhen yóm gel tulón le. Yó kem tau gel blóng le ebè Dwata, mom nmò le yóm gónón gholu yóm kun Gónô Dwata ne nulé le yóm hlolò Dwata bè yó.