Mika 3:1 - Udél Dwata: Gna Kesfasad ne Lomi Kesfasad

¹ Ó kem tau malak bè Israél, ni mò hol hnungol ye. Igò sem yu du temngón du yóm kukum tedeng bè yóm là tedengen.

Mika 3:1 Referans Kwoze

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

1 Kurin 6:5

Ilóem là myak ye kô? Laen dù dumu ye hemtahu hulung kmukum lem blóng ye kô ke wen dumu ye seglius?

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Kem Lingón 14:4

Ofo kul mon du ke là gel ton Dwata du yóm sidek gel nmò le. Yó udél Dwata, monen, “Laen kô dù bélê le ke hulung hedem. Tódô le mowil lan le lemugi yó kem dou tau. Hol mou kun ne ke tô le gel mni ebéléu yó kem tau gel mò sidek yó.”

Isikél 34:2

“Ó Tau Tonok, eles tugodem do yóm udélu ebè yó kem tau semgyok yó kem dou ubiha, duhen yó kem tau malak yó kem dou tau Israél. Tulónem kul yóm udélu, udél yóm sana Dwata hol dandónen geta, monem mò kul, Yu kem tau malak bè Israél, deng ye golu elem hatay ne. Són olo sen-gyok ye són yóm kuy knô, là kô dog olò sen-gyok ye kul yó kem dou ubiha nalak ye.

Mika 2:13

Angat hennas Dwata yóm lanen mit kul hewà gu bè yó kem benwu gónó le tehe e megef kul. Angat nwiten lu hewà gu bè yóm bak tikeb yóm syudad yó anì mulék le ebè yóm hol kul benwu. Yóm geta bélê le, duhen yóm sana Dwata hol gónó mogot, du se yóm tukô gna kul.

Isaya 10:2

Yóm nmò ye yó mò lan ye hemseng yó kem tau élél anì laen dù kwalis le lemwót bè klaen dù kukum tedeng lem blóng le. Yó se mò lan ye gemwa yó kem kimu yó kem libun bolu ne yó kem ngà hikit.

Isikél 34:3

Mom yu fen gel minum gatas le ne yóm nes ye nmò ye gu bè bul le. Gel nétê ye yóm ubiha alì mabù bè kdéen, okóm mom fen hbitil ye lu yó kem ubiha nalak ye.

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.