Mika 2:9 - Udél Dwata: Gna Kesfasad ne Lomi Kesfasad

⁹ Yó kem libun bè yó kem dou tau, gotu lo ye lu gu lem yóm kul gónô kenbong nawa ne gotu nwa ye bè yó kem ngà le yóm tonok tehe blayu kul kól bè laen dù tul sónen.

Mika 2:9 Referans Kwoze

Hbakuk 2:14

Okóm angat wen kdawen tódô kdéen tau talak tonok angat gotu temngón du yóm tey kun keklóón Dwata. Yóm ketngón le du yó, tódô lenngeben klamangen tonok lómón mohin, tódô lengeb él.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

Kun Snulat Luk 20:47

Lu se yó kem tau fen gel smukat yó kem libun bolu anì gfun le gónô le, lel le alì gel htahà kni le bè Dwata, hlingu le tô mò yóm hyu. Yó se angat gónó Dwata alì tmafak kul.”

Mark 12:40

Lu se yó kem tau fen gel smukat yó kem libun bolu anì gfun le gónô le, lel le alì htahà kni le bè Dwata. Yó se gónó Dwata alì hemsidek du yóm angat ktafaken kul.”

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Mika 2:2

Yó kem tau matul mò sidek yó, ke nóyô le ma tonok sotu tau, tódô nled le. Ke nóyô le gónô kem dumu le, tódô nwa le. Laen kô dù tau menek kkimuhen bélê le.

Juwél 3:6

Yó kem tau bè Juda ne yó kem tau bè Jirusalim, deng gotu hbalù ye lu ebè yó kem tau Grik, yóm deng mit kul mayuk bè benwu le.

Jirimaya 10:20

Yó kem gónô me, deng gotu gbà. Laen kô dù bud tebel du mò tmóbóng kum bè yóm bud kehdà me du. Gotu negef le lu yó kem ngà me, là kô bud ton me kul ne.

Kem Lingón 72:19

Hol bê tekuy lensón yóm kdóyón tekuy du, abay se tey minggel boluyen. Yake gfan bè klamangen benwu yóm tey klinggelen. Dwata he hol dmohò du nim ni!

1 Samwél 26:19

Duhen ni, dou gónó mogot, hol hnungolem udél yóm tóbóng lówóhem. Ke Dwata se yóm mdók kóm anì hnatayem o, hyu ke wen dsuu ebéléen anì henmóyóen. Okóm ke kul kóyô kem tau, Dwata he hol tmafak kul yóm kdê le deng matul do. Abay se deng lohem ou bè yóm dou benwu ne yó gónów là bud gnô lem blóng yó kem dou dumu ne gónów là bud tmaba ebè Dwata bè yó lómón yóm sana dou gel nmò.

Amus 2:7

Gotu ndà le lem kfung yó kem tau laen dù bang tmóbóng kul. Là kô nmò le du yóm kukum tedeng bè yó kem tau gel hen-gnok le. Botong le tódô lewu maen ne yóm ngaen logi gel semtungô yóm sotu libun, yóm alì sidek béléu, alì henyak le yóm dou boluy.