Mika 2:7 - Udél Dwata: Gna Kesfasad ne Lomi Kesfasad

⁷ Ó kem tau Israél, yó kô udél ye? Gbek Dwata hembala du kô yóm nmò ye yó? Ke yó dum tedeng yóm tendo gel nmò ye, kaem hyu bélê ye yóm udélu ni.

Mika 2:7 Referans Kwoze

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Jirimaya 15:16

Dengi mudél ebéléu ne gel hnungolu se yóm kdê udélem. Bè kóm udél se gónów gel hligal, yakà uu du se yóm Dwata laen dù là gbeken du ne kóm boluy yóm gel nwitu.

Kem Lingón 15:2

Yó olo knóón, són yóm tau tendo mimón ke Dwata, ne laen dù belenen yóm gel nmoen, ne hono tahu yóm gel btang bè sumóngen, laen kô dù bool kestulónen,

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Kem Udél Hlalak Tehe Selumun 28:18

Yóm tau laen dù belenen tey hyu knóen, okóm yóm tau là tedeng kmoen mekto keglaen.

Kem Udél Hlalak Tehe Selumun 10:29

Dwata mò gónó le e mlo yó kem tau tedeng kmò le, okóm yó kem tau gel mò sidek bud du se gónó le meglà.

Kem Udél Hlalak Tehe Selumun 10:9

Laen kô hemenen yóm tau tedeng kehedemen, okóm yóm tau là tedeng kehedemen gekfô du yóm kmoen sidek.

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

2 Kurin 6:12

Là kô knogol nawa me kuy, mom yu ne kmogol nawa kum.

Sulat Pol Ebè Yó Kem Tau Hemtahu Bè Rom 7:13

Là kô yóm hlau hyu ni yóm mit do elem hatay. Okóm yó mit do elem hatay duhen yóm alì óyóu mò sidek ne mulé du yóm hlau. Ni se gónóhu mton du ksideken yóm salà hlanen bè yóm hlau hyu anì megtulede lem hatay. Duhen yó, yó muhen yóm hlau mò gónóhu temngón du yóm alì ksideken yóm salà.

Kun Snulat Jan 8:39

Mon le se mò ke Jisas, “Abraham se yóm kum mà.” “Na,” mon Jisas, “ke semfu ye se gu bè Abraham, nmò ye sen yóm kun nmò Abraham.

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Jirimaya 2:4

Ó kem tau Israél kem tau sfu Jakub, hol hnungol ye yóm udélen ebélê ye Dwata.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Kem Udél Hlalak Tehe Selumun 14:2

Knikoen Dwata yóm tau tedeng kmoen, okóm là kun yóm tau sigol kehedemen mom sendekaen.

Kem Udél Hlalak Tehe Selumun 2:7

Ne du se bemlay khulungen mit ktauhen yóm tau tedeng kmoen ne bud du se kemlung du yóm tau laen dù belenen yóm kun kmò.

Kem Lingón 119:65

Deng tey dê ne yó kem hyu deng nmoem béléu, Dwata, lómón yóm deng fasadem.

Lista 11:23

Ne yó balà Dwata du yóm udél Musis yó, monen, “Wen kô yóm là gbeku du? Móyón tonem ne ke tahu duhen ke là ni kem monu ni.”

Kem Lingón 119:68

Tey hyu kmoem yóm uu, ne kdê yó kem nmoem, sal hyu. Hol tolokem do yó kem hlauhem.

Kem Lingón 18:26

Bè yóm tau laen dù belenen, bud hegfanem béléen se yóm kóm klaen dù belen. Okóm bè yó kem tau sidek nmò le, bud sidek se nmoem bélê le.