Mika 2:4 - Udél Dwata: Gna Kesfasad ne Lomi Kesfasad

⁴ Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Mika 2:4 Referans Kwoze

Hbakuk 2:6

Okóm angat kól yóm kdawen tey sidek udél le ebélê le yó kem tau tehe negef le yó, mon le mò kul, ‘Hatay ye kuy kem tau ma yóm sundu kul du. Hatay ye kuy kem tau wen kendengen ye lemwót bè kgaga ye yó kem tau mutóng bélê ye. Kegenen de tendo bud kmò ye du yóm yó?’

Mika 1:15

Ó kem tau bè Marisa, angat blay Dwata yu elem tdok yó kem hohon ye, tódô nled le yóm benwu ye. Ne yó kem tau malak bè Israél, angat le hebnos lem yóm kilib bè Adulam.

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Dwata 28:29

Angat ye tódô mógów migóf baluen ke kemdaw, hol lómón ke yóm tau butô là kô tonen du lanen. Yóm kdê yó kem gel nmò ye laen kô dù uléken. Angat tey kehegnok le kuy yó kem dumu tau lel le mnagaw bélê ye, balù sotu tau ke wen tmóbóng kuy.

Lista 23:7

Yó udél htugod Dwata ke Balaam, monen, “Yó hfangay do lemwót bè Sirya, gu bè yó kem bulul fi dmata kdaw duhen Balak yóm tau hol geta bè Muab. Yó tinoken ebéléu, monen, ‘Nam mógów do edini, nam mudél do. Henmulaem lu do yó kem tau Israél.’

Mark 12:12

Tódô tngón yó kem tau gónó le galak yó kem Ju yóm kegbaken ebélê le yóm deng hningón Jisas yó. Yó nmò le, tódô tô kendel kenfô le, okóm likò le yó kem tey tau wen sbung bè yó. Tódô sentagak le Jisas bè yó, ne mulék le.

Sifanaya 1:2

Yó udél Dwata, monen, “Angat gotu himot genlau yóm kdéen nô talak tonok.

Mika 2:10

Yó ne, mdó ye yu kem tau gel hemgnok yó kem tau élél. Sundu kuy tonok du yóm ni ne là kô kuy gónô du, abay se deng golu bè yóm deng nmò ye tahen, yó gónón gbà.

Amus 5:17

Angat tey wen mngawóy bè yó kem gónó le gel mulu grép abay se angate mlan lem blóng le naw e gotu genlà lu. Ou se Dwata nim mudél ni.”

Amus 5:1

Ó kem tau Israél, ni mò hnungol ye. Hol hnungol ye yóm lanuhu bélê ye.

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Juwél 1:8

Hlangag ye dé kem tau, lómón klangag yóm sawang libun matay yóm logi deng leminti du.

Isikél 2:10

Ominen mból du béléu ne tonu yóm snulat sfatà kililen, hono lingón modung ne udél langag ne lanu ne udél heglà kul.

Jirimaya 14:18

Ke mógówe ebè yó kem tonok gónóhu mò hulu, tódô tonu yó kem lówó tau deng hnatay yó kem hohon le. Ke mógówe ebè yó kem syudad, tódô tonu yó kem tau deng matay lemnus. Ne yó kem tau gel tmugod lem blóng le ne yó kem tau gel blóng ebè Dwata, tódô henlel le mò du yóm nmò le, okóm là kô tngón le du yóm nmò le yó.”

Isaya 14:4

Bè yóm kdaw kmoen du bélê le yóm yó, yó nmò le sendekà le yóm tau hol geta bè Babilun, yó mon le, “Deng matay ne yóm tau hol geta alì sidek baluhen. Là buden hemgnok tau ne.

2 Tutul Israél 35:25

Wen kem lanu nmò Jirimaya bè yóm katay Jusaya, ne efet nim kmoen ni sana gel kesngal le du, libun duhen logi mò gónó le hemtulón du nawa yóm katayen. Nim sngal langag ni, tódô hlós adat lolò le bè Israél, ne deng snulat le bè Bok Lanu.

2 Samwél 1:17

Omin Dabid hewót lemanu lanen lemangag kul le Sol lewu le Junatan.

Lista 24:15

Ominen bud tmugod du yóm htugod Dwata du, monen, “Ni se yóm tugod Balaam yóm ngà Biyur. Ni se udél yóm tau tikaw kton matahen du yóm nmò Dwata

Lista 24:3

yó udél htugod Dwata du, monen, “Ni se tulón Balaam yóm ngà Biyur, Ni se udél yóm tau tikaw kton matahen du yóm nmò Dwata

Lista 23:18

Yó htugod Dwata ke Balaam, monen, “Hlonihi edini, Balak yóm ngà Sipur. Hol hnungolem yóm tulónu kóm.

Jirimaya 6:12

Angat gotu hledu kem hohon le yó kem gónô le ne yó kem tonok gónó le mò hulu. Balù yehen le gotu hwahu yó kem hohon le. Yó gónón lómón yó nmou bélê le, yakà gotu tnafaku kul yó kem tau lem nim benwu ni,” mon Dwata.

Mika 1:8

Ominen yó udél Mika, monen, “Lemwót bè yóm deng nmò le ni botonge langag, yó gónów lemanu. Tódóe mógów hono hólól ti ne mógów hlówó lemwót bè klangagu. Tmoule lómón ohu dyakal lem bnes ne mudéle lómón kol.

Jirimaya 9:16

Angat gotu senklahu lu ebè yó kem benwu là deng hnikót gungol le du ne là deng hnikót gungol le du se kul yó kem tehe fù le. Angat wen kem sendalù mit sudeng hektesu kul efet gotu genlau lu.”