Mika 2:1 - Udél Dwata: Gna Kesfasad ne Lomi Kesfasad

¹ Hatay ye kuy, kem tau olo le beyen hlilil kifu là dog tungô matul mò yó kem sidek. Hlafusen bè yó, tódô kendel nmò ye yóm sidek deng eles natul ye yó, abay se gbek ye mò du.

Mika 2:1 Referans Kwoze

Kem Lingón 36:4

Là kô le gtungô ke kifu, són natul le yóm sidek bud nmò le. Laen kô dù hyu du yóm gel nmò le. Là kô knogol le du yóm sidek.

Isaya 32:7

Tey sidek yóm tau là hulungen hedem yó, hono sidek yóm gel nmoen. Sónmoen matul du yóm lanen hemsidek yó kem tau élél hlanen bè kéng. Ne hensengen lu anì là guta le du yóm kul ktahu.

Nahum 1:11

Béléem Ninibi, gónón lemwót yóm tau alì sidek katulen ke Dwata. Du se yóm tau tódô senflósen hmau kem dumun mò sidek bè yó kem tau bè dumu benwu.

Sulat Pol Ebè Yó Kem Tau Hemtahu Bè Rom 1:30

ne tey gel sidek kestulón le kem dumu le. Tey knutó nawa le Dwata, ne tódô gel nfà le kem dumu le. Tey kehton le salù. Hono kem tau heklabak. Sónmò le matul kmò le sidek. Sotuhen, là dog nimón le yó kem tuha le.

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Isaya 59:3

Tau ye mò kéng se kuy, gel ye hemsidek kem dumu tau ne tau ye monok.

Kem Udél Hlalak Tehe Selumun 4:16

Yakà là kô le gtungô ke là nan wen sidek nmò le, duhen ke là nan wen dumu tau nwit le mò sidek.

Kem Udél Hlalak Tehe Selumun 3:27

Béem sen-gafas yóm tóbóng ebè yóm tau bang gónó e bemlay du ke wen se nô béléem mò tóbóngem du.

Tekang Kbuten 31:29

Wen se kwalisu mò sidek béléem, okóm ebuteng hegfan béléu bè knahu yóm Dwata gónón mogot maem. Eles hetgamahen dou anì là mudéle sidek ebéléem.

Kul Nmò 23:12

Timbow hayahen bè yó, stifun yó kem dumu Ju sensatul le yóm kmò khatay le ke Pol. Hyu deng eles senfasad le, mung du safà le, yóm là tagad kken le ne là kinum le ke là deng ghatay le ke Pol.

Kun Snulat Jan 19:11

Mon Jisas se, “Laen kô dù kwalisem béléu ke là deng blay Dwata du kóm. Yó gónóm mon, bong salaen sentahem yóm tau heted do ebéléem.”

Dwata 28:32

Bè yóm igò ye temngel, lemwót yó kem ngà ye logi ne kem ngà ye libun gotu blay le lu ebè yó kem tólóng tau bè dumu benwu mò hesek le. Tódô ket kdaw ye temngel ebè lan tô hemdón kul okóm là kô ton ye kul.

Kul Nmò 23:15

Yó tô atul me,” mon le, “yu ne yó kem tau mogot kukum, fen ye kut tminok ebè yóm kmandér, anì nan na bud hógów edini Pol, abay se hningón wen tô bud snólók ye béléen. Lemwót yó dum kum, fen hnékét me bè lan.”

Kem Udél Hlalak Tehe Selumun 12:2

Yóm tau hyu kmoen gwahen yóm kehyu nawa Dwata ebéléen, okóm yóm tau matul mò sidek tnuled Dwata.

Kun Snulat Luk 20:19

Tódô tngón yó kem tau gel tmolok hlau ne yó kem geta bè yó kem tau gel demsù ebè Dwata yóm kegbaken ebélê le yóm hningón Jisas yó. Ne tódô tô kendel kenfô le bè yó, okóm knikò le yó kem dumu tau.

Mark 15:1

Tikóng deng mwas bè yó, gotu le kendel stifun yó kem geta bè yó kem gel demsù ebè Dwata, ne yó kem tuha gónó le gel galak yó kem Ju, ne yó kem tau gel tmolok hlau, dalang se kdê yó kem tau gel kmukum. Yó nmò le, sensatul le yóm kmò le ke Jisas. Omin le hmengked mfét du kdina, ne nit le ebè Paylét.

Istér 9:25

Okóm mógów ebè yóm tau hol geta Istér ne yó nmò yóm tau hol geta yó, wen udin nmoen anì mulék eta Haman yóm sidek tô atulen bè yó kem Ju. Mom Haman hetléwéng le, mung tléwéng le béléen yó kem ngaen logi bè yóm koyu tehe hefdaen.

Istér 5:14

Ne yó mon yehenen mò du ne yó kem ween, “Moem là hefdà yóm koyu gónó le gel tméwéng tau, lewu folò lewu mitru kegetahen. Hlafus haya hnihem bè yóm tau hol geta anì tléwéngem du Murdikay. Ke deng yó, hligali ne mógówi ebè tum ken gónó Boi Istér tminok kuy.” Tahu se, hyu nawa Haman du yóm atul tulón le du yó, yó gónón kendel hefdà yóm koyu gónó le gel tméwéng tau.

Istér 3:8

Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni.

Kem Udél Hlalak Tehe Selumun 14:22

Gemsalai du ke geli matul mò sidek, okóm ke geli matul mò yóm hyu, tonem yóm ksalig ne yóm kadat le kóm kem dumu tau.

Isikél 33:26

Igò ye tau monok, kem tau tmaba ebè dwata kéng, kem tau smamuk. Knóón kô ke gfun ye yóm tonok yó?

Sikaraya 7:10

Bê ye abay hen-gnok yó kem libun bolu ne yó kem ngà hikit, dalang se yó kem tau milo elem blóng ye ne yó kem tau élél. Hol bê ye abay mò atul sidek ebè kem dumu ye.

1 Bok Kem Tau Hol Geta 21:7

Yó balà Jisébél du, monen, “Ilóem là tauhi geta bè Israél kô? Btiki dé, ne mkeni, ne béem abay tnafa nawa yóm yó. Nwahu béléem yóm gónó Nabot gel mulu grép yó.”

Kem Lingón 36:5

Yóm kóm kbong nawa là monolen, Dwata, botong kbongen longit. Yóm tey ktenebem bélê me, botong gefet sentu lobun.

Kem Lingón 58:3

Ni kem tau mò sidek ni, tódô mung bè ksut le gemsalà. Kewóten bè ksut le yóm kmò le kéng.