Mika 1:8 - Udél Dwata: Gna Kesfasad ne Lomi Kesfasad

⁸ Ominen yó udél Mika, monen, “Lemwót bè yóm deng nmò le ni botonge langag, yó gónów lemanu. Tódóe mógów hono hólól ti ne mógów hlówó lemwót bè klangagu. Tmoule lómón ohu dyakal lem bnes ne mudéle lómón kol.

Mika 1:8 Referans Kwoze

Jirimaya 9:19

Hnungol ye dé yóm tey kik bè Sayun, yó mon le, “Deng tekuy gotu meglà ne. Deng tekuy gotu myak ne ni. Deng bang ktebel tekuy du ne nim benwu tekuy ni, abay se deng gotu gbà yó kem gónô tekuy.”

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Kem Lingón 102:6

Mkéle bè kang bè yóm benwu laen hol wen tauhen, duhen ke bè yóm kang tek sótuhen nô bè yóm benwu laen hol wen tauhen.

1 Samwél 19:24

Gotu kóhen nesen, sendawen ne suloyen buteng hlékê te tonok, tmugod udél Dwata bè yó bè solu Samwél. Yó gónó le mon du yó kem tau, “Sotu tugod Dwata kô kun yóm Sol?”

Isaya 32:11

Efet ni, tey mahil klowil ye ne laen dù tnafa nawa ye. Okóm angat sut bélê ye yóm ksidek klikò ye botong ye kenkel. Kó ye yó kem nes tilob lesek ye, tódô ye lemsek nes sakù.

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

2 Bok Kem Tau Hol Geta 18:13

Bè yóm deng gesfoloen fat halay kmamal Hisikaya bè Juda, nundug Sinakirib yóm tau hol geta bè Asirya kdê yó kem syudad mbegel beng le bè Juda, ne gotu nled le.

Istér 4:1

Timbow tngón Murdikay nim ni, tódô kentóhen yóm nes bè lówóhen ne tles bud leseken nes sakù lemwót bè yóm alì sidek khéét kegnómen du. Tódô tenfengen kohù kuluhen ne mógów lem yóm syudad yó, tódô hendlaen lemanu