Mika 1:7 - Udél Dwata: Gna Kesfasad ne Lomi Kesfasad

⁷ Kdê yó kem dwata lennged nmò le bè yó, angat gotu lenusok yó kem hohon le. Kdê yó kem alì mebtes tehe gel blay le ebè yó kem libun hdóyón henek nô bè yó, tódô gotu mlób bè ofi. Gotu genbau kdê yó kem dwata lennged le. Ni kem ni hono bli yóm filak gel blay le ebè yó kem libun hdóyón tódô henek bè yó ne bud gotu nwit le lu yó kem hohon le mò bayad le yó kem libun hdóyón bè kul benwu.”

Mika 1:7 Referans Kwoze

Husiya 2:12

Angat gotu hensideku yó kem gónóhen gel mulu grép ne gónón mulu fig, yóm gel monen bayad le du yó kem hemdóyón du. Angat gotu henbalingu bnes mget yóm kdéen ne són kem ógóf lóbô lem bnes mótób du.

Deng Hegfan 18:3

Tódô kdéen dumu benwu, deng le gotu segbót minum béléen bè yóm kun ninum alì lóbô, duhen yó se yóm gel kwiten kul mò samuk. Tódô kdéen tau hol geta bè klamangen benwu gotu dumuhen sesamuk. Ne yó kem kdéen tau gel mò udél swa lemwót bè klamangen benwu, gotu le baling kwasa lemwót bè yóm là kgafasen yóm kdê knóyô lówóhen.”

Deng Hegfan 18:9

Ya tey sidek kkik le du yó kem tau hol geta bè klamangen benwu yóm kton le du kebel yóm ofi mken du. Lu se yó kem tau tehe dumuhen sesamuk, ne tehe tódô nmung le yóm sidek knóyô lówóhen.

Juwél 3:3

Wen atù gel nmò le mò gónó le temngón du ke mahi du bè yó kem tauhu yóm mò hesek le. Gotu senswa le yó kem ngà logi mò bayad le yóm libun hdóyón, dalang se yó kem ngà libun hbalù le mò bli le yóm ninum lemengel.

Husiya 2:5

Abay se yóm yê le, libun hdóyón deng tódô mlutut hkawang, laen kô dog yaken. Yó tehe gel monen, ‘Mebele kem logi hemdóyón do, hbaluu knóu bélê le mò lanu bè kkenu ne bè kinumu, ne bè knesu yó kem nes mfól ne nes bukay mebtes ne mò lanu bè hnolo ulib.’

2 Tutul Israél 31:1

Timbow deng kmò le du yóm kehligal yó, yó nmò yó kem tau Israél nô bè yó, mógów le ebè yó kem syudad bè klamang Juda ne Bindyamin ne Ifraim ne Manasi, gotu lenusok le yó kem hehek botu, ne nofok le yó kem hehek yóm dwata libun boluyen Asira bè yó kem benwu yó, ne gotu kó le yó kem gónó le gel tmaba ebè dwata kéng, dalang se yóm gónó le gel demsù ebélê le. Tikóng deng gotu deng kegbà le kul, omin le mulék ebè kul benwu yó kem tau Israél yó.

Dwata 9:21

Bè yóm bud kosolu, tódô nwahu yóm ngà safì blówón tehe nmò ye, yóm gónó ye alì gemsalà bè Dwata ne botu elem ofi. Ominu gotu lemusok du, gotu ndeku efet meblibù ne gotu hkonulu bè yóm lel él lemwót gu lem bulul.

1 Samwél 5:4

Bud hlafus hayahen bè yó bè yóm bud kebtik le bud ton le Dagun lemokob bè tonok bè solu yóm Slungan Dwata. Deng gotu tfok kuluhen ne yó kem lewu sigelen, tódô le masà bè bak dól. Són lówóhen tebel bè yóm gónón masà.

Husiya 2:14

Yó bud udél Dwata, monen, “Okóm ni, naw bud n-goy sulék, nwitu etu bè yóm benwu là hyu menwu du, naw bud hninggel stulón du.