Mika 1:6 - Udél Dwata: Gna Kesfasad ne Lomi Kesfasad

⁶ “Yó gónóm mon,” ni se udél Dwata, “yóm syudad Samarya, angat sulék genbau ne nmou mò gónó hmulu grép. Angat gotu dngélu etu bè datal yó kem beng botu deng gbà bè yóm syudad yó anì tódô hnas yóm tehe gónón mteg yóm mò hbegel yó kem bengen.

Mika 1:6 Referans Kwoze

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

2 Bok Kem Tau Hol Geta 19:25

Ilóem là deng gungolem du kô?’ mon Dwata, ‘kaem ou se Dwata yóm tehe matul du yóm deng nmoem yó. Tehe yu ne ekni eles katulu du yóm kdéen ni, ne ni se deng kehdohou du, duhen yóm gotu kehegbau du kóm yó kem syudad mbegel beng hilolen.

Matyu 24:2

Omin Jisas mon du mò kul, “Hol tenngel ye dé yóm kdê ton tekuy ni. Tódô tulónu kuy ktahuhen, angat kól yóm kdawen laen kô dù tebel bè ni kem beng botu nii, tódô gotu lenusok le.”

Hbakuk 3:13

Yó gónóm hesut nam e lenwà yó kem kóm tau, nam e lenwà yó kem tau deng nélékem. Botong bentuem kulu yóm tau malak gel mò sidek ne sulék genlaem yóm tau lemolò du.

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

Husiya 13:16

Yó kem tau bè Samarya angat gotu bud nuta le yóm kdê sidek deng nmò le lan le alì kmogol du yóm kul Dwata. Yó gfà le, angat gotu hnatay le lu yó kem sendalù husek bè benwu le, kkólen bè yó kem ngà lemnek angat le gotu matay lan le mbot kul te tonok. Ne kem libun mlutut bélê le, tódô gotu snifal tnibó le lu.”

Jirimaya 9:11

Yó bud udél Dwata, monen, “Yóm syudad Jirusalim, angat gotu genbau yóm klamangen mò gónóhu lemuduk yó kem deng gbà, mò gónó le nô yó kem ohu lóbô lem bnes. Yó kem dumu benwu bè Juda angat gotu genbau, laen dù bud tau menwu du.”

Isaya 25:2

Deng gotu genlaem yó kem syudad gónó le nô yó kem tau hmohon kum. Deng gotu genbaem yó kem tehe beng hdà le mò gónó le tô heklung. Yó kem gónô lembang yó kem tau hol geta bélê le deng gotu genbaem. Ne là bud wen hdà kul efet kól bè sónen.

2 Samwél 17:13

Ke wen syudad gónón e mlóy, gbekem mdók yóm kdéen tau Israél anì wen tébéd nwit le mò kemteng beng yóm syudad yó etu etlem efet gotu lemusok yó kem botuhen.”

Jirimaya 31:5

Angat ye bud mulu grép bè yó kem bulul bè Samarya ne yó kem tau mulu du, bud gken le he yóm bunguhen.

2 Bok Kem Tau Hol Geta 18:9

Bè yóm gfaten halay mogot bè Juda Hisikaya, ne deng ghituhen halay mogot bè Israél se kun ke Husiya, nundug Salmanésér yóm tau hol geta bè Asirya yóm syudad Samarya ne kmamfù le hilolen.

2 Bok Kem Tau Hol Geta 18:10

Bè yóm hol són yóm tlu halay keslibut le du, botong gled le. Yóm kled le du yó, deng nem halay Hisikaya mogot yóm benwu Juda, ne deng syóm halay Husiya mogot yóm benwu Israél.

Amus 6:8

Yó eles safà yóm Dwata hol dandónen geta hlanen bè boluyen, yóm Dwata laen dù là gbeken du, monen, “Tey kenbéu yóm alì kehegeta le knô yó kem tau Israél. Tey sidek matahu mton du yó kem gónô lembang tilob hdà le. Angat gotu blayu elem tdok yó kem hohon le yóm syudad le ne kdê yó kem nô lemen.”