Mika 1:5 - Udél Dwata: Gna Kesfasad ne Lomi Kesfasad

⁵ Yó gónón angat sut, lemwót bè kegsalà yó kem tau bè Israél ne yó kem tau bè Juda, hono kem tau là mimón ke Dwata. Tau du se dnuónen bè yóm là kimón le ke Dwata yó kem tau bè benwu Israél? Kaem yó se kem tau bè Samarya yóm dnuónen yóm yê yó kem syudad le. Gónón mbut se kehtahu le bè yó kem dwata kéng yó kem tau bè benwu Juda? Kaem mbut bè yó kem tau bè Jirusalim yóm yê yó kem syudad le.

Mika 1:5 Referans Kwoze

Amus 8:14

Yó kem tau gel smafà hlan le bè boluy yó kem dwata lennged bè Samarya, yóm gel mon du, ‘Hlanu bè kun klowil yóm dwata Dan,’ duhen ke mon le, ‘Hlanu bè kun klowil yóm dwata Birsiba,’ yó kem tau gel mon du yó angat le gotu masà, là kô le bud gebtik.”

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Jirimaya 6:19

Ó Tonok, hmungoli se kóm. Angat wen heglumfaku kul ni kem tau ni, ulék yóm sidek tendo gel nmò le, abay se là bud hnungol le dou ne kenbê le yóm deng hlolou kul.

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

1 Bok Kem Tau Hol Geta 13:32

Yakà angaten gotu dohò yóm kdê udél htugod Dwata du gbak bè yóm gónó demsù bè Bétél ne bud gbak bè yó kem benwu gónó le gel tmaba dwata kéng bè yó kem benwu bè Samarya, angat gotu dohò yóm kdéen.”

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

2 Tutul Israél 34:3

Bè yóm deng gwoluhen halay kmamal benwu, hanà tolo ngà he, bede nbuten ne lemolò ke Dwata yóm Dwata yóm fuen Dabid. Ne tikóng deng sfolò lewu halayen mogot benwu, nbuten hfólós du yóm benwu Juda ne Jirusalim mlan bè kehegbaen yó kem gónó le tmaba ebè yó kem dwata kéng, ne hlusoken yó kem hehek yóm dwata libun boluyen Asira, ne yó kem lennged nmò le kul dwata gel nmò le gu bè koyu, dalang se yó kem dwata lennged gel tenwél le.

2 Tutul Israél 34:4

Gotu hegbaen snéen yó kem gónó le demsù ebè Baal ne yóm gónó le gel mtem insinsu ebéléen. Gotu hlusoken lu yó kem hehek yóm dwata kéng boluyen Asira ne yó kem dwata kéng gel nmò le gu bè koyu, dalang se yóm dwata lennged gel tenwél le, gotu hlusoken. Ominen gotu smohul kul ebè lebeng yó kem tau gel demsù ebélê le.

Isaya 7:9

Yóm benwu Israél yó, dalang se yóm syudad bong nô lemen boluyen Samarya, laen dù bud kgis le se kul. Senged se yóm Pika mogot du, laen dù bud kgisen se kun. Ne uu Ahas, ke là hlósen yóm kehtahuhem béléu, là se kóen hlós yóm kogotem benwu.”

Amus 7:9

Yóm gónô gónó le gel tmaba ebè yó kem dwata kéng yó kem ból Isak, angat gotu hegbau yó kem hohon le. Yó kem gónô deng hetfing le ebéléu yó kem tau Israél, angat gotu hegbau. Naw na hnotok yóm kul kogot benwu yó kem ktol Jirubuam, bede hlanu bè sudeng yó kem hohon le.”

Mika 1:13

Yu kem tau bè Lakis, leket ye bè yó kem klitun gel nit bè gida yó kem kudà alì metlasik anì géhél ye mlóy. Yu se yóm tanay syudad bè Juda gna lemolò yó kem tau Israél bè yóm ktaba le ebè yó kem dwata kéng. Yu se malak yó kem tau bè Jirusalim mò du yóm salà yó.

1 Bok Kem Tau Hol Geta 11:7

Bè yó bè Bulul Ulib fi dmata kdaw Jirusalim, wen gónô gel demsù hdaen bè yó, mò gónó le tmaba bè yó kem dwata kéng alì kenbê boluyen Kimus yóm kul dwata yó kem tau Muab ne yóm dwata lennged alì kenbê boluyen Molék yóm kul dwata yó kem tau Amunayt.

Jirimaya 23:13

Yó kem tehe tugodu ebè Samarya, deng tonu yóm tey kmò le sidek. Deng mom tnugod le yóm kun boluy Baal ne deng mom nit le lu tlas yó kem dou tau Israél.

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”