Mika 1:4 - Udél Dwata: Gna Kesfasad ne Lomi Kesfasad

⁴ Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Mika 1:4 Referans Kwoze

Nahum 1:5

Botong megsinsig yó kem bulul bè soluhen ne gotu le mnà yó kem bulul lemnek. Dalang se yóm klamang benwu gotu leminol ne gotu le matay yó kem tauhen.

Kem Lingón 97:5

Gotu le mnò bè soluhen yó kem bulul, lómón knò tolu. Mnò le bè solu yóm Dwata bè klamangen benwu.

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Amus 9:5

Yóm Dwata laen dù là gbeken du, baluen ke olon temdól yóm tonok, tódô mnà ne gotu le langag kdê yó kem tau nô tahen. Lemwót bè yóm linol, tódô lemnok eta yóm klamangen tonok lómón Él Nayl bè Idyip ke bangen dmunuk, ne tódô bud mnà elaan.

Kmukum 5:4

Ó Dwata, bè yóm kewótem gu bè Bulul Sir ne bè yóm klanem gu lem benwu Idom, tódô megsinsig yóm klamang benwu ne tey kulón tódô tbó gu bè longit.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Sikaraya 14:4

Bè yóm kdaw yó, angat mdà ta Bulul Ulib Dwata, yóm bulul fi dmata kdaw Jirusalim. Ne yóm Bulul Ulib yó, tódô meskang bè gónón sóól, baling datal lamang lenwóten fi dmata kdaw kól desdef. Yóm sóól yóm bulul yó tódô mili fi bwak ne yóm sóólen tódô mili fi leged.

Kem Lingón 68:2

Hol gotu lohem lu, lómó kmoem kul, lómón ke kebel nyuf lenos. Lómón yóm tolu mnò bè ofi, hol lómón yó se keglaem kul bè soluhem yó kem tau gel mò sidek.

Kem Lingón 46:6

Okóm yó kem tau bè dumu benwu, tey sidek klikò le bè yóm kehsinsig Dwata yóm klamangen benwu. Heték Dwata, ne tódô kmanas yóm tonok.