Mika 1:16 - Udél Dwata: Gna Kesfasad ne Lomi Kesfasad

¹⁶ Yu kem tau bè Juda, nki ye wek ye, lenangag ye yó kem ngà alì kenbong nawa ye. Hetbulud ye lómón klalang yóm onuk gel mken matay, abay se angat negef le lu ebè benwu mayuk yó kem ngà ye.”

Mika 1:16 Referans Kwoze

Jirimaya 7:29

Ó kem tau Israél hol ye hlangag dé, hetbulud ye mò gónó ye hegfan du yóm klangag ye. Lemanu ye ta yó kem bulul, yakà deng kenbê Dwata kuy, yu kem tau tolo mowil nim kmoen ni. Deng tódô bayaen yu, yu kem tau hebut du.’ ”

Job 1:20

Omin Job hebkó mdà, gotu kenséen yóm nes bè lówóhen lemwót bè yóm tey klangagen. Ominen gotu tembulud weken ne tódô lemfen bè tonok bè solu Dwata.

Amus 8:10

Yóm gel kehligal ye mken bè dou Gónô, angat henbalingu klangag ye ne yóm gel kehligal ye semngal, henbalingu kik ye. Lemwót bè klangag ye gónó ye lemsek nes sakù ne gotu tenbulud ye wek ye, lómón yó kem tuha nodung le yóm tek sotu ngà le logi. Ya tey sidek khééten yóm kdaw yó.”

Jirimaya 6:26

Yó udél Dwata ebè yó kem tauhen, monen, “Lemsek ye nes sakù ne ma ye kohù mò gónó ye hluy. Hol ye dmumu mkik lómón ke deng matay yóm tek sotu ngà ye logi, yakà móyónen sut yó kem tau kemtut mundug kuy.

2 Bok Kem Tau Hol Geta 17:6

Bè yóm gesyómen halay mogot benwu Husiya, gled yóm tau hol geta bè Asirya yóm syudad Samarya, ne gotu negefen etu bè Asirya yó kem tau Israél. Suen lu bè Hala, moni bè kilil Él Habor bè Gusan. Lemwót yó kem dumu, suen lu lem blóng yó kem tau bè syudad Midya.

Dwata 28:41

Angat wen ngà ye logi ne wen ngà ye libun, okóm angat le gotu lana bélê ye abay se gotu negef le lu.

Amus 7:11

Yó udélen, ‘Móyón matay bè gida Jirubuam. Lemwót yó kem tau Israél, angat des le negef ebè benwu mayuk.’ ”

Amus 7:17

Yó gónóm mon, Amasaya, ni se udél Dwata ebéléem yó monen, Lemwót bè yóm là kóyóem hmungol, angat baling libun hdóyón yóm yehenem lem nim syudad ni ne yó kem ngaem logi ne kem ngaem libun, tódô le gotu matay bè gida. Ne gotu sensólól le yóm tonokem ne blay le bè yó kem dumu tau. Lemwót kóm, feni matay bè tólóng benwu. Angat gotu negef le lu etu yó kem tau Israél ebè benwu mayuk.”