Mika 1:15 - Udél Dwata: Gna Kesfasad ne Lomi Kesfasad

¹⁵ Ó kem tau bè Marisa, angat blay Dwata yu elem tdok yó kem hohon ye, tódô nled le yóm benwu ye. Ne yó kem tau malak bè Israél, angat le hebnos lem yóm kilib bè Adulam.

Mika 1:15 Referans Kwoze

1 Samwél 22:1

Bud kewót Dabid bè yó bè Gat mlóy etu bè yóm kilib bè Adulam. Timbow gungol yó kem twoguhen ne yó kem dumu fes lówó maen yóm knóen bè yó gotu le mógów ebéléen.

Isaya 10:3

Tedu se kmò ye du du bè yóm angat ktafak Dwata kuy? Tedu tô kmò ye du du yóm kwen glumfak bong angat hwiten ebélê ye lemwót bè dumu benwu mayuk? Gónó ye e tô mlóy mni tóbóng du? Gónó ye e tô bemnos du du yóm tey kendengen ye?

2 Tutul Israél 11:7

ne Bit-sur ne Soko ne Adulam,

2 Samwél 23:13

Bè yóm sotu kdaw bè bulón muta tehe knô Dabid bè kilib Adulam, ne fen le kmamfù bè Datal Rifaim yó kem Flistin, yóm tlu kem sendalù yó koni yóm tehe mógów ebè Dabid bè yóm kilib yó. (Nim tlu sendalù ni, gomong le bè yóm tlu folò kem sendalù nélék Dabid alì hulung sfatay.)

Tekang Kbuten 38:1

Bè yóm kmoen yó, tnagak Juda yó kem dumun setwoli logi, ne mili etu bè benwu Adulam bè yóm tau boluyen Hira.